|
ما رأيكم في تعدد الزوجات
بصراحة عجبني القسم الجديد واشكر الادارة على انشائه واحب ان اشارك معكم بالموضوع الشعبي والناري الاول في منطقتنا
اتمنى اشوف تفاعل من الجميع رجال ونساء سؤال للرجل: هل ترغب في التعدد ولماذا؟؟؟؟؟؟؟ سؤال للمرأه: اذا تقدم لكي رجل متزوج. ماهي الظروف المقنعة لكي توافقي عليه وماهيا شروطك؟؟؟؟؟؟ سؤال للجميع ماهي اضرار وفوائد التعدد؟؟؟؟؟؟؟ هل التعدد افضل من المسيار ام العكس؟؟؟؟؟؟؟؟؟ عارف طفشتكم يالله اتفضوا شاركوا :648: |
التعدد ذكر في القرآن الكريم ووضع له ضوابط تحكمه والقادر على العدل ولديه الاستطاعة ويرغب فلا يوجد لديه أي مشكلة.
|
حياك الله يا بقايا منكسر طولت الغيبة باين عليك رحت اتزوجت :631:
اعتقد التعدد موضوع نسبي فهو يكثر عند القبائل ويقل عند الحضر والرغبة في التعدد تعود الى الحالة النفسية للشخص بالدرجة الاولى وحسب فضاوته وامكانياته انا شخصيا اذا فكرت اعدد وانشاء الله ما افكر افضل الزواج العادي عن المسيار :308: |
أتمنى أســمع ردك أخوى بقايا
لو ســمحت |
سؤال للمرأه: اذا تقدم لكي رجل متزوج. ماهي الظروف المقنعة لكي توافقي عليه وماهيا شروطك؟؟؟؟؟؟
اخلاقه سلوكه دينه والحالة المادية وأؤكد على الحالة المادية وذلك لأسباب وليس من فراغ يمكن طفشتكم من كثر ما اقول تجاربي الشخصية بس تحملوني تقدم لي رجل متزوج وعنده ارجال اقصد اطفال يريد الزواج لانه يبي وحدة تهتم فيه ولان حرمته الاولى والثانية قشرات ومو عاطينه ويه ( مدري هاليومين ماسكة معي اللهجة الخليجية) المهم فهو يريد من تهتم فيه طيب سألت بنت اخته الي خطبتني ليش يبغى طبيبة خلاص يروح يتزوج وحدة متفرغة قالتلي عشان تهتم بصحته ويعني تشيل حالها الله يشيل حال الشيطان الثاني متزوج وطبيب وعنده زوجتين ( انا ما عندي وقت اكون الزوجة الثانية ما شا الله علي الثالثة على طول) طيب ليش طبيبة ؟ قلت يمكن يبغى وحدة تفهمه بس طلع نفس السبب يبغى وحدة تشيل حالها انا تعبت من قبل لا اتزوج :584: سؤال للجميع ماهي اضرار وفوائد التعدد؟؟؟؟؟؟؟ أنا ما اشوف اي ضرر من التعدد اذا كان بسبب مرض الزوجة انشغالها عدم قدرتها على الانجاب يعني لازم سبب مو شاف هالزينة ألي تلصمقت فيه :664: ويا حرام ما يبغى يكسر بخاطرها وقام وتزوجها وكسر بخاطر اسرة كاملة :657: هل التعدد افضل من المسيار ام العكس؟؟؟؟؟؟؟؟؟ بالنسبة للرجل المسيار افضل اما المرأة فأعتقد ان هذه ليست زواجة بل تعاسة وتقليل للكرامة والمكانة لها ولأهلها عارف طفشتكم كويس أوي مش لوحدي الي حاسة اني زهأتكو :207: |
إيش هذا كله مريومه دخلتينا في متاهات
تعدد الزوجات لازم يكون هناك سبب ؟؟ ممكن يكون مقنع ممكن يكون لا انا اشوف إذا هناك سبب مقنع مافيها شئ ؟؟ وبعدين بالنسبه للمتزوجات أيهما تختارين زجك يمشي في الحرام او يتزوج ؟؟ |
عزيزتي دموع
اعتقد انك مافهمت ردي انا اقصد ان الرجل هو من يفضل المسيار ايش الي جاب سيرة الحرام . واما بالنسبة لتعدد الزوجات فأعتقد اننا متفقات اعتذر اذا توهتك :) |
هلا مريومه
إللي فهمته الرجا ل يفضل المسيار عشان المدام تصرف على نفسها يعني مايتحمل مصاريف بيتين وهذا تفكير أغلب الرجال للاسف بالنسبه للموضوع الثاني فأعذريني أنا أنحرفت عن الطريق وماكان تعقيب على ردك والموصوع الثاني يبغاله مناقشه لوحده وإن شاء الله إنت إللي تكتبيه دمتي بخير وسعاده بإذن الله :650: |
فينك يا بقايا منكسر والله زمان عنك والعفو لا شكر على واجب
ومشكور مشاركتك وموضوعك جدا مهم بالنسبة لسؤالك هل ارغب في التعدد؟ ما اعتقد في رجل يكره التعدد وهي حسب ظروف كل شخص وما اعتقد في الدين انه لازم يكون هناك سبب لكن اشترط العدل والمقدرة فوائد واضرار التعدد ترجع لظروف كل حالة لكن الضرر الاكيدة هو اذا فشل الرجل في العدل بين زوجاته انا شخصيا اكره زواج المسيار لان فيه استغلال واضح لحقوق المرأه جميل جدا يا اخت مريومة ذكر التجارب الشخصية لانها تثري الموضوع وتعطي امثله واقعية لموضوع الحوار |
موضوع التعدد موضوع شائك والآراء فيه لا تنتهي
يسعدني أن أشارك معكم في الردود خصوصا بعد أن وصل الحوار لهذه المرحلة صحيح إن التعدد لا يشترط فيه أن يكون له سبب مقنع لأنه شرع الله وقدر مكتوب لمن أراد الله اختباره وشرطه الاستطاعة و العدل بين الزوجات ومشكلة أن يخفق الرجل في العدل هنا مربط الفرس والحكمة من تلك السنة النبوية العظيمة والتربية المحمدية بالغة الحكم لو فكرنا في التعدد على نفس الأسس إلا بنى عليها رسولنا الكريم حياته مرحى به يعني الرجل يحط في باله انه حيتزوج عشان يقيم أسره مسلمة مؤثرة في المجتمع ويختار زوجاته على هذا الأساس والزوجات يحطو في بالهم إنهم يعينو هذا الرجل على تحمل ذلك العبء الملقى على عاتقه ويخلو عنهم الكبر والغيرة إلا في غير محلها وأشياء كتير ما يسعني الوقت إني أتكلم فيها بس عشان لا اوجع دماغكم بفلسفتي أكيد أكيد ما حيكون في التعدد أي ضرر بل هي الغاية العظمى للوصول للمجتمع المثالي المسلم حتسالوني نفس السؤال وانتي إذا تقدم لكي رجل متزوج. ماهي الظروف المقنعة لكي توافقي عليه وماهي شروطك؟؟؟؟؟؟ أو نسال السؤال بطريقة تانية انتي لو كنتي فعلا متزوجة وزوجك حب يتزوج تانية حيكون رأيك إيه؟؟؟؟؟؟؟؟؟؟ حتستغربو لو قلتلكم حوافق وجوايه غصة في حالة لو كان هذا قدري وقدره وراح اسال الله انه يعينني ويعينه ويعينها ويعين اولادناعلى اجتياز اختبارنا بنجاح فتلك سنة الحياة وشي طبيعي انه يكون التعدد أفضل من المسيار لان ضمانته أقوى والحقوق فيه محفوظة لجميع الأطراف دكتورةمريومة كلمة خاصة سوي خيرة وصدقيني إلا من نصيبك لازم يصيبك وما في حياة ما فيها تعب ولو طفشتكم سا محونا ويهمني جدا اتناقش معاكم في ردي لتقيم ما اخطأت فيه واخيرا شكرا لبقايا على موضوعه القيم |
| الساعة الآن 07:48 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd