|
ابعدو عني انا صايم
السلام عليكم كل عام وانتم بخير ورمضان كريم ينعاد عليكم بالصحة والسلامة يارب يووووه زماااااان والله ما كتبت مواضيع بس شوية النفس كانت مسدودة والالهام كان مفقود هههههه معليش سامحوني طبعا مع قدوم الشهر الفضيل كل واحد فينا سار يدور كيف يكسب الحسنات وكيف يكون PERFECT في حياتو واداؤو اليومي بس للاسف سار الشي دا ينفهم بطريقة عكسية في رمضان ووقت الصيام بالزات الواحد لازم يكون اهدا ما يكون مرتاح لانو الشي دا محبب لينا والشي دا بيريحنا مرة كتير دا في العالم الافتراضي لكل واحد فينا تعالو شوفونا في العالم الواقعي اخرج الشارع خدلك لفة سبحان الله فجأة يزيد عدد الحوادث فجأة يزيد عدد الناس الي يسقطو عليك كل الناس عصبية كل الناس اخلاقها في خشمها كل واحد ما يبغا احد يكلمو الي يتحجج انو مدخن والي يتحجج انو جيعان والي مو مركز يعني معقولة يا جماعة الصيام بدل ما ينفعنا سار يضرنا؟ مو منطق بالعكس الي يدخن هادي فرصتو يهدا عشان يتعود يبطل الدخان حبة حبة الي جيعان ياخي اتسحر متاخر واشغل نفسك بقراية قران بزيارة ناس بعمل خير بدراسة بشغل باية حاجة كل دي الاشياء بتجيبلنا حسنات تبغا تجيب المقاضي اليومية حقت رمضان بلاش تسير مصروع وما تفتكر الا قبل المغرب بعشرة دقايق وتخش في مضاربات ومناحلات مالها داعي منها انتا فطرت ومنها فطرت غيرك غير كم خمسمية مرة حينجرح صيامك الي ابغا اوصلو يا جماعة انو دا الشهر فرصة للناس انها تكون نفوسهم طيبة على بعض وهادية واحنا صايمين بالزات نستغل الفرص نزور بعض نعزم بعض ياخي وانتا في الشارع الي يمر من جبمك اضحك في وشو سلم عليه قولو رمضان كريم قولو كل سنة وانتا طيب عامل النضافة البياع في البقالة في المطعم في محل الفول حتى الي يغلط عليك اضحكلو وسلم عليه دي فرصة من ربنا بتيجي كل سنة مرة ما يجي نستغلها؟ بالعربي كدا بلاش الصيام يكون سبب لينا نبعد عن بعض ونتضارب ونعصب ونتوتر خليه يكون سبب لصفاء نفوسنا والضحكة في وشنا زي ما انتا صايم الي حولينك صايمين وكلهم بنفس احساسك ويمكن من المرات النادرة الي المسلمين يتلاقو فيها في فعل واحد جماعي اكسبوها http://www.7ejazy.net/forums/images/smilies/wink.gif وكل سنة وانتو طيبين ورمضان كريم |
كل سنه وانت طيب يا فلاوي
اوحشتنا و اوحشتنا مواضيعك الزيزه والله كلامك حلو وواقعي جدا ياريت الناس تعرف دا الكلام http://forum.zgoldz.com/s/b/066.gif |
كل عام وانت بخير فلااوي
والله كلامك صحيح ولا غبار عليه بس بصراحه أنا أشوف الكلام هذا بنطبق أكثر شئ على الرجال هم إللي دايما معصبين ومتوترين وأخلاقهم تصير شئ بالذات قبل الافطار مافي أحد فينا مو مقصر عشان كذا لازم نحسن أخلاقنا ولازم نجتهد ونستغل الفرص لكسب الاجر والمثوبه منه سبحانه وتعالى |
صحيح صحيح بارك الله فيكم :584:
|
صحيح ويعطيك العافية
والكل صراحه كذا مدري لييش ؟؟ |
اقتباس:
يسلموووووووووووووو خيووووووووووو فلاوي |
| الساعة الآن 04:12 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd