[JuSt a GiRl]

اوووك الـcomplement اهىى
هنكمل مع البنات لسسسا
اسمعيني مش هتندمي:

سابع حاجه: اكيد انت بتحبي تتفسحي معاه بس ارجوك ماتنسيش الضوابط وان اهلك هيعاملوه على انه خطيب ولسه راجل غريب يعني مش كل يوم خروج وارجوكي لما تخرجوا ماتنسيش نفسك وتروح الحكاية تلات اربع ساعات اصبري وقت ماربنا يجمعكم مع بعض هتملي وتزهقي منه وبعدين عشان مايحسكش سهلة اوي اتقلي شوية معلش استحملي.


ثامنا: لو عندك اخوات بنات اكبر او اصغر منك بلاااااااش يقعدوا معاه كتير يعني بالمعقول عشان مايحصلش حاجة نندم عليها بعدين وخصوصا اذا كانت اختك ديه روشة وفاني خالص وبتحب الكلام ..
انا مش بشكك ولا حاجة بس بحذر من حاجات احنا في غنى عنها .. حتى من ناحيه تانيه عشان تاخدوا حريتكوا
.انا اللي بقصده من كده اننا مانسبهمش يختلطوا ببعض .. احكيلكوا موقف بالمناسبه دي .. في واحده اعرفها يعني .. المهم اتخطبت لواحد وكان بيموت فيها بس لما بئت اختها تقعد معاهم فـ شاف ان دماغها اكبر وانها بتناسبه اكتر وده صدقيني مش كويس خالص يعني واحنا كل اللي عايزينه انكم تبعدوا عن المشاكل وتحاولو تتصرفوا صح وانا في استعداد لقبول اي نقد في النقطه دي مادام بيبين للبنات الصح من الغلط ..




وبعد كده :عايزينك في المرحلة ديه تحاولي تدرسيه تشوفيه هل هو اهل انه يعيش معاكي ..؟؟ افكاره وتصرفاته عاجباكي ؟؟ هو بيحبك ؟؟ بتحسيه بيرتاح في الكلام معاكي ؟؟ يعني يمكن يكون مدايق منك من حاجة بس مكسوف يقولك ؟؟ حسسيه انك الحنونة اللي بيطيب خاطرها بكلمة حلوة مش القوية اللي مايقدرش يفتح بقه قدامها عشان لوكان مدايق من حاجة يجي على طول ويكب كل اللي في صدره قدامك ومايخافش من حاجة.



عاشرا: لو غاب عنك يوم ومااتكلمش معاكي كلميه انتي وحسسيه انك دايما جنبه مش تعملي تـُقل على هبل وتروحي قايلة لألألألأ لازم هو اللي يتكلم بس طبعا مش توجعي دماغه يعني مرة وبس جايز يكون مشغول ولا حاجة.

تماااام كده ؟


وللحديث بقية بس بعد ما نشوف في حد عنده اعتراض في حاجه ؟ ولا حاجه
وانا في انتظاركم على رأي طنط ام كلثوم