عسى قدرت أفهّمك معنى السكوت وتلزمه ،،، أشغلتني بصمتي....!!

[باكـي بصمـت]

صمتي مايعني إني غامض أو حياتي مبهمـه بس تكفي أفواه المجنن طبقـت دور الحكيـم

وأنا لعلمك لي لغـه ولاكـل شخـص أكلمـه عدم قناعه إن سليم الجسم له عقـل ٍ سليـم

وإذا تبـي منـي دليـل بهالـكـلام أقـدمـه ترى البهيم أقوى جسم من البشر لكن .. بهيم

عسى قدرت أفهّمك معنى السكـوت وتلزمـه أشغلتني بصمتي كأن الصمت في إذنك رنيـم

لو ينفجر صمتي بتعلـم شـي مالـم تعلمـه راح أتمنى إني ساكـت وإنـك أنتـه الفهيـم

وإن قلت شـي ولافهمتـه لاتحـاول تفهمـه يعني إذا جسمك سلم ممكن تكون أكبر غشيـم

ميقات وأحرم للشتات وكل حرف أشرب دمـه ولاتنتظر نزف الصميم وكلها بوسط الصميـم

أنشودة العصفور مع نـاي العـزا ومترجمـه خل المشاعر راهبه وأسمع تراتيـل النسيـم

اللي طلع للمجد لـو تـدري بتعـرّج سلمـه كنت أتمنى الهاويـه لأن التساقـط مستقيـم

أزرق فضايه خانني طـال الجنـاح وحطمـه خان الثلاثين وسنه بالضبط إلى دمع الفطيـم

بعثرني كلي بس تدري أكثـري مـن لملمـه سجـادة الخاشـع وركعـة التهجـد بالعتيـم

الله رحمني يـوم قالـوا جعـل مالله يرحمـه من ضامني مايدري له يوم ٍ بيدّي يستضيـم

واللـي جرحتـه وأتعمـد أستفـزه وأظلمـه لايطلب إني أرحمه مانـي غفـور ولارحيـم

مابه عظيـم إلا أنـا صنـع بذاتـه أعظمـه كذاب من قال إن الأنثى خلف كل رجل ٍ عظيم

أنا وراي ألفين أنثـى فـي غرامـي مفعمـه شقق ملابسهن خيالي وأغتصبهـن الجحيـم

وكم عبدتني وكفرت باللـي خلقهـا مسلمـه ماهيب ريم ولاتشابـه فالصحـاري أي ريـم

ماعظمّـن كـل النسـاء إلا عبـاره محكمـه الله يبارك بالجديـد اللـي يعـوض بالقديـم

صحيح إن أجسادهن تغري جنوني وأرسمـه أحب أفصل ( . . . . ) في شكل يشبـه للحريـم

شاعرك مايحتاج في ليـل القصايـد ملهمـه ولا يهيم بـوادي لكـن داخلـه وادي يهيـم

أوراقه العذرا يفضّ أبكارهـا أبـراس أقلمـه بنت الفكر من عنفوانه تحسب إن الأرض غيم

أصبر وباقي في سنيني عام يحكـي أطرمـه دام الكريم اللي ربحته صـار عقبالـك لئيـم

يظن من ربّى الشنب يفرض عليّـه أحشمـه يسعد مساء أطول شنب وأسود لثامه الحشيـم

دام الخرير اللي يخالط فـي شهيقـه تمتمـه يعبر وسط سور الحنايا لأسفل العظم الهشيـم

عنق الزجاجه أخنقه وأسرح وأنا فمي بفمـه وأتذكر إن الطاولـه بـلا كـؤوس ولانديـم

شيطاني اللي كنت في بيت القصيـده أرجمـه عانق لساني وأرجمتني بنت شيطان ٍ رجيـم

شوف البحر من المدامع صار مالـح بطعمـه بس البكا مارجع الغرقـان لأحضـان اليتيـم

ياهيه لاتتعبني وإن تبغـى حلـول الطلسمـه أسمع وش اللي دار بين القارئه وعبد الحليـم.!!

.
.
.
.
.
( جــابـر )