|
#1
17-08-2006, 04:48 PM
|
|||
|
|||
كلمات شبابية من جده (فلللللللللة)
هاااااااااي جميعا
كيفكم شبااااااااب زماااااااان ماحطيت موضوع في قسم الفرفشة وحبيت تقروه برضو شوفوا بعض المصطلحات المتداولة بين شباب جدة تقدروا تقولوا انها لغة شبابية جديده أشكل جات فتره انتشرت دي الكلمة بصورة كبيرة وهيا بشكل عام معناها الطناش فلمن تيجي تبغى تطنش شي تقول أديه اشكل ومأخودة من لعبة البلوت او الورق للاخوان اللي ما يعرفو معنى البلوت أطبعوا ههههههههههاي من الألفاظ المضحكة جدا وتنقال لمن شخص ما يسمعك ويسأل ايش قولت وماتعيد الكلام تاني فتقوله اطبعو بلاهه وربي بلاهه أل انتشرت بشكل رهيب اضافة ال التعريف من باب المبالغة في الفترة الاخيرة زي مثلا لمن تشوف واحد غشيم تقول مو بس غشيم الغشيم ههههههه لمن شباب يعاكسوا في السوق ويشوفو بنات ما يقولو بنات البنات ما رح يفهمها الا اهل الحجاز بصراحه لانها تتنطق بطريقة مميزه === > يموت في الطرق المميزه إنبراش نعرف انه لمن بتلعب كوره واحد يدخل عليك معناتها انبرش عليك لكن عند الشباب صار لها معنى تاني انبراشة صار معناها انه دخله غلط وسط الكلام يعني انه تكون انته والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش وهادي تصير انبراشه ولا لمن يكون الكل ساكت ويجي واحد يقول كلام ماله داعي زي نكته بايخه مثلا هنا نقول على الحركة دي انبراشه بسط وهز وسط تخيلو الفيلم الهندي دا كولو عشان تجاوب على احد يقولك كيف حالك؟ بلف :ههههههههههاي من اضحك المصطلحات بصراحة طبعا الشباب يعرفو البلوف معنى انه شخص ينبلف يعني انه يسوي الشي بسرعه بدون تفكير مثلا لو شاف صاحبه اشترى سياره جديده وعجبته قوام جاب وحده من نفس النوع هنا نقول انه بلف ينبلف بسرعة هههههههههاي ولمن يكونو اتنين بيتضاربو ويجي واحد يحرش .. ولا لما يكون واحد يجري بالكورة ولساعو بعيد عن المرمى ويجي واحد يقولو شوووت يقوم يشووت كدا بسرعة دا نقول عليه انبلف ههههههههااي احس بعض الناس ماحتفهمها بس هوا معناها كده وخلاص حمزه : هادي اللفظ اللي المفروض يتلغى من قاموس الشباب بتاتا البتة لأنه على اسم صحابي جليل وحرام نهين الأسم بالصوره هادي وحمزه هادا اللفظ معروف حاليا بين مجتمع الشباب بالشخص الركاب يعني الكزاب فلمن تلاقي احد يبكش يقولوه بس ياحمزه ((ومو قصدي عليك ياحمزه )) جنط : الكل يعرف جنوط السيارات طبعا لكن اليومين دول برضو صار للجنط معنى تاني .. يعني لمن واحد يقرفك ويطفشك من كلامو .. يقولولك الشباب اعطيلو جنط يعني طناش .. وهادي زكرتها فوق بمعنى أشكل دافور : دافور معناها زمان في الحجاز الفرن ولكن دحين صار معناها البنت او الولد الشاطر\ة في الدراسة نقول عنه\ا دافور\ه اللي دايمن شغال عالكتب ولا يسيبها زي ما يسموه المصارية عثة كتب دعس : دي الكلمة تنقال للاقدام على الشي وتنفع مرادف لكلمة قدام يعني لمن مثلا يجي احد يقولك تيجي نروح التحلية ترد عليه وتقول والله دعس يعني يلا معاك ولا هيا شباب نلعب كورة يقولولو ادعس زي الكرتوووون : تنقال للواحد الأهبل شاكوش : معناها الاصلي طبعا المطرقة لكن دحين صار معناها البنت ولا الولد اللي مو حلو هههههههاي نقول عنه شاكوش شوربة : طبعا كلنا نعرف الشوربة احلى شي عندنا هنا شوربة الحب على الفطور ياسلام سلم لكن هنا معناها غير فلمن انته تقول شوربه يعني شي سهل فلمن مثلا يكون عندك اختبار ويكون سهل جدا تقول الاختبار كان شوربة وهكذا ولا مسلا تكلم احد وتقولو انا اروح شوربه .. يعني اروح وطي .. ولا تيجي المدام تجبلك الاكل تقوم تقولها حياتي من غيرك شوربة صهيوني : كلمة جدا وحشه بصراحه وما احب انه نستخدمها وهي تنقال للشي الحلو فيقولو لو شي جدا جميل صهيوني وهي مو حلوه لانه الصهاينة اليهود مو من الجميل ننسب لهم الحاجات الحلوه طقطقة : ودي الكلمة تنقال لمن تبغى تتسلي في واحد يعني تستعبط عليه وهوا اهبل يكون مسكين على نياته وتلاقي ياما شباب مثلا متجمعين يقولو لو جا فلان نطقطق عليه ولا تلاقي واحد يجي يقول امس طقطنا على راس فلان وزي كده في الألف وفي المليون دي حلوه مره وهيا لمن تشوف شي يعجبك ويكون مميز مافي زي يعني او تعمل حركه مميزه او شي زي كده لنفرض مثلا جوال عجبك تقول والله جوال في الألف أو تقول جوال في المليون ما عندك احد : هههاي كلمه فله ولمن مايكون عندك هرجه وتنقال للشي اللي مو تمام نمرة واستمارة : ودي تنقال عند التأكيد وغالبا في الغباء والهباله زي مثلا تقول فلان أهبل بنمرة واستمارة كاي : وهادي هيا ضحكة الشباب الجديدة ويضحكوها وقت التريقة والشماتة و لا دحين صار الضحك تقول كااااااي بصوت عالي وتمد الألف هبقة : هبقة زمان اعتقد كان معناها سرقة لكن دحين اتغير المعنى فلمن تقول مثلا والله هبقت انا والشباب ورحنا الكباين متلا فهبقة فهنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها او تسوي حاجة غريبة على حركاتك انتا تقول يا عمي هبقة يعطيك : دي الكلمة من الكلمات الجديدة وتنقال للتشجيع يعني لمن تلاقي احد عامل حاجه رهيبه تقوله يعطيييييييييك بمد الياء التانية زي متلا يكون سجل قول ولا شي زي كده صاروخ .. ركبة .. من الكلمات الي تدل اني انا بسمه بكشه قدامي .. فيعني قلك بيسو انهم محترمين ومايبغو يقولو للقدامهم انو كزاب .. يقومو يقولولو كده يعني زي واحد قاعد يتكلم ويحكي وكول كلامو بكش يقوم واحد يقول للتاني يووواد شوف شوف صاروخ يلعن ام الفله .. وهادي من الكلمات الي ماسكه في لساني ... لمن يكونو في شباب وعجبتهم مره الطلعه ولا في اولا يبسطو الواحد يطلعو يقومو يقولو على الطلعه متلا يلعن ام الفله .. فوكها .. هههههههههههاي هادي المره هوا حيفكها .. لمن الواحد تكون اخلاكو زفت ومررره طين .. تقولو ياشيخ خلاص فوكها ... قويه .. لمن يسير شي مو عاجبك ولا شي كده مو زي الناس .. تقول قوييييييييييييه بشد الياء خرش.. دي الكلمة لمن تكون جالس بين الشباب ويجيك واحد يجلس يكدب ويلفق في الحكاية ويملح فيهاتقوم تقول خرش كووووووول .. وتنقال على أي شي يعجبهم .. وهادي حكتر منها .. جييييييد .. بشد الياء .. لمن يعجبك الشي كول جيييييييد .. هيااا خير لما يسير شي مفاجيء ولا يكون في حاجة غريبة كدا ولا باسوي نفسي مستغرب ولا باستهبل اني مش مستوبع فعلى طول هيااااا خيييييييييييييير لاتدف كلمه حلوه وتنقال لمن تكون تتكلم ومتحمس في الهرجه ومتفعل في كلامو ويأشر بيدو كده ويطلع فيها وينزل .. ولا واحد معصب وبيهزئ في الكلام . ولا كده واحد يقول يلا بسرعه سوي كده دحين .. تقوم تقولو لاتدف اصرفها.. اخرشها هههههههههههاي كلمه في اللزيز .. عندك كده كدبه ومنتى عارف تكزبها وخايف وعامل الولد الي ماعمرو يكزب وانت دحين في ورطه ولازم تكزب .. يقوم صاحبك يقولك ياشيخ خلاص اخرشها ولا اصرفها ولا سويت مصيبة وتبغا تلف الموضوع فتبدا تفكر كيف تخرشها ولا تصرفها نص كوم حركات النص كوم دي بطلوها .. تقعد تعملي انك ولد كووول وفي النهايه ايش تبغى .. كده قول مين الاخير .. عندك شي تبغاه مصلحه تبغاها قول .. لكن لاتقعد تدحلس عندي وتعمل حركات نص كوم اقتباس:
 
__________________
التعديل الأخير تم بواسطة ~ĦЁMΘ~ ; 17-08-2006 الساعة 11:52 PM 
|
|
#3
17-08-2006, 10:30 PM
|
|||
|
|||
|
أل
انتشرت بشكل رهيب اضافة ال التعريف من باب المبالغة في الفترة الاخيرة زي مثلا لمن تشوف واحد غشيم تقول مو بس غشيم الغشيم ههههههه لمن شباب يعاكسوا في السوق ويشوفو بنات ما يقولو بنات البنات ما رح يفهمها الا اهل الحجاز بصراحه لانها تتنطق بطريقة مميزه === > يموت في الطرق المميزه  يقو ل "اهل الحجاز" على اساس انتم اهل الدين وهذي امثالكم اي دين الدين في وادي وانتم في وادي وبعدين فرحان فيها يعني مالت عليك انت وامثالك 
|
|
#5
17-08-2006, 11:47 PM
|
|||
|
|||
|
ههههههههههههههههههههههههههههههههههههههههههههههه
من جد ياكتر الالفاز دي كمان يانعسان نسيت كلمة (اممممما) لمن يسير شي مفاجئ ومااستوعبو ومادخل العقل يقولو امممما  وبعدين اشبك يالولو قايمة عالولد هدي مصطلحات منتشرة والله يهديهم ويهدينا جمييييعا وكل شباب المسلمين
__________________
|
|
#8
18-08-2006, 02:15 PM
|
|||
|
|||
|
فعلا موضوع حلوووووووو وفكرتني وانا جالس اقرا كاني جالس مع الشباب
وبعدين ايش فيها الست لولو عاملة فيها كدا زعلانة . يقو ل "اهل الحجاز" على اساس انتم اهل الدين وهذي امثالكم اي دين الدين في وادي وانتم في وادي وبعدين فرحان فيها يعني مالت عليك انت وامثالك الدين في كل مكان مش مقصور علي اهل الحجاز وان كان في اساءة فهذي اساءة شخصية من الشخص
__________________
 
|
|
#9
18-08-2006, 02:47 PM
|
|||
|
|||
|
هههههههههههههههههههه
والله وناسه يانعسان مموضوع مرة حلو نعسان على فكرة احنا كمان نقول والله صاروخ على البنت الحلوة لا وكمان لما تكون تكلم احد بالتلفون وماتبغىإللي جنبك يسمعك عشان إللي يكلمك يفهم تقوله الجو مغيم يعني خلي الهرجه بعدين  لولو أختي أهلا وسهلا بيك و حياك الله في المنتدى لولو جدا جدا متحامله على اهل الحجاز رغم إنه في كل مكان في الصالح والطالح مو بس عندنا لولو لاتنسي الدين المعامله قبل كل شئ
__________________
ســبــحــــان الله وبحـمــده ســبــــحان الله العظيم 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| 2668 وظيفة شبابية وفرها برنامج الأمير محمد بن فهد | مخاوي الليل | الصحافة اليوم | 0 | 01-02-2009 05:00 AM |
| كلمات | ليالينا الحلوه | ركن الذهبية العام | 3 | 13-11-2008 02:01 PM |
| ستايلات شبابية | طعومة jed | ركن المجتمع و الاسرة | 2 | 19-02-2006 10:13 PM |
| ملابس شبابية ( الجزء الثاني ) | sami haroon | ركن المجتمع و الاسرة | 1 | 20-05-2005 03:00 AM |
| ملابس شبابية | sami haroon | ركن المجتمع و الاسرة | 3 | 19-05-2005 03:00 AM |
بعضها معروفه وقديمه
العرض العادي
