|
|
|
#1
05-09-2009, 02:55 PM
|
||||
|
||||
خلااااص ضاقت بي الرياض !!
لامن رمـى ليـل العنـا همّـه علـي لْحالـي وغيري قضى هالليل نايم في حضـن محبوبـه وآنا اسهره متوسـدٍ حزنـي وضيقـة بالـي من وحدة ٍ طالت وفرحـة خافـق ٍ مسلوبـه! والذكريات اللي مضـت لـي زوّدت غربالـي والنفس طابت.. والصبر عوّد علـيّ عقوبـه "ياخالـد حمـود" الحكايـه كلّـهـا ياغـالـي ودّي أفضفض لك خوافـي نفسـي المغصوبـه مانيب شاكي من سواليـف الهـوى واطلالـي ولانيب شاكي لك جروحي من جفـا رعبوبـه مشتاق لك والله وانا كـل مـا ذكرتـك خالـي أتذكّـر أيـام (الخُبـر) والجامعـه كـل نوبـه اشتقـت للشرقيـه وكـل مابـهـا يحـلالـي واشتقت لسنين الدراسه.. والسكن.. وقروبـه ماكنت أحسّـك ساكـن بجنبـي ودوم قبالـي؟ كنت انت ساكن وسط قلبي وعارف ٍ مطلوبـه ياهو كئيب الكـون وايامـي فـلا تهنـا لـي ياخي بعد فرقاك .. عنـدي ماهـي بمحسوبـه خلاااااص ضاقت بي الرياض بكبرها من تالـي ماعاد لي فيهـا مكـان وحاجـة ٍ مرغوبـه!! هي عامره بوجود أهلهـا فـي أمـان الوالـي والعاصمه من كـل شعـب المملكـه مخطوبـه بس البـلا لا ضـاق قلبـي عارفـه مايبالـي هو ياخذ الحاجه .. ويتركني غريـق ذنوبـه! خالد!! تخيّل.. من كثر همي وسـوء أحوالـي مابه مكان ولا صديق اسلى وأسيّـر صوبـه!! من شقتي .. لين الدوام .. لشقتي .. منوالي! لا الوضع هـذا يصلـح لخيّـك ولا لأسلوبـه مافادني صدري الوسيـع اللـي ملتـه آمالـي وحشة .. وخلّت دنيتي مـن عقبهـا مقلوبـه كثـر الشكـاوي ماتفيـد المحبطيـن أمثالـي أدري.. ولاتشره على مـن يهـذي بغيبوبـه يارب أبي تيسيرك لأمـري.. وغيـرك مالـي وان كان – نقلي- (للخُبر) حاجه مهي مكتوبه؟؟ طالبك أنا كنز القناعـه/ واقتنـع فـي بالـي: ويصير لي حضن الرياض أدفى من المحبوبه!! وسلامتكم،،،
__________________
لا تنصدم لا شفت خلك يبيعك هذا الزمن فيه الغدر شي عادي صعبه ظروف الوقت هذي تطيعك بيضه ومكسية بلون رمادي أما تطيع شرورها أو تجيعك والا تعيش ايها بلبس الحدادي ولا تامن الغدره ولو من رضيعك كل القيم ضاعت ومعها المبادي محدن يصونك فيها الا نزيعك منهو لاجل رزقك عليكم ينادي أجواء صيفك تختلف عن ربيعك لا صار حر وسموم وبرادي خلك على ربك ترى الله شفيعك واترك خليق الله وخل العبادي لا تنصدم لا شفت خلك يبيعك دام الغدر في هالزمن شي عادي
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| غرفة الرياض تنقل صناعة المعارض السعودية إلى العالمية عبر مركز الرياض الدولي | مخاوي الليل | إقتصاد ومال واعمال | 0 | 14-04-2009 08:45 PM |
| اذا ضاقت عليك الدنيا .... اتصل على هذا الرقم؟؟؟ | وحده ماتخاف | الاسلامي العام | 6 | 06-05-2008 03:22 AM |
| لا ضاقت علي الدنيا قلت وينك | DoDa AlBtOoOtA | الجوالات | 1 | 07-04-2008 10:08 PM |
العرض المتطور
