القصيده التي اهتز لها الملك عبدالله

[صمت الحزن]

اخواني واخواتي الاعضاء والمشرفين ،،،،،

اسعد الله اوقاتكم بكل خير وسعاده يارب

اكيد الكل مشتاق وحاب يعرف القصيده الليت شدت انتباه قائد مسيرتنا

وحبيب القلوب وملك الاحساس اطال الله في عمره يارب ........

لكن سأقول لكم القصه التي من خلالها ثارت بإحساس قائل القصيده لن اطيل عليكم .....

القصه ............ :

سجين سعودي تخرجه قصيدة امه الموجهه للملك عبدالله ..

نشرت القصيده في احد الصحف المحليه على لسان والدة السجين السعودي في مملكة البحرين الشقيقه منذ اكثر من عام نتيجة حادث سير في البحرين أثارت ردود افعال كبيره بين مختلف شرائح المجتمع
الذين ضمو مطالبهم لمطالب الوالده المغلوب على امرها لو لا تدخل والدنا وقدوتنا الملك عبدالله حتى تم خروج الطالب السعودي الذي يدرس في البحرين ماجستير التابعه لجامعة الملك فهد للبترول والمعادن وحاصل على مرتبة الشرف والان اتركم مع قصيدة الام الحنونه على ولدها والذي مضا له عام في سجن البحرين وعلى امور تافهه للاسف ................... :

،،، الــقــصــيـــــده ،،،،،،

غيري ينام ومهتني في منامـه ... وانا لذيذ النـوم مـازار عينـي
سهرانةٍ والليل مُوحش ظلامـه ... يجمع لي احزاني ويدعي ونينـي
ولّيت ياليـل الأسـى والندامـه ... همّـك توَطانـي وبيّـح كنينـي
أبغا السلامه بس وين السلامـه ... عيني تشوف وقاصراتٍ يدينـي
غيّب ضناي وغابت الإبتسامـه ... حُكم المقدّر حال بينـه وبينـي
سجين ماأشوفه ولا أسمع كلامه ... ماغير طيفه كل لحظـه يجينـي
والسجن في الغربه يهز الكرامه ... ياحرّ كبدي بعد فرقـا ضنينـي
وين انت ياللي تستحق الزعامه ... يافزعة المضهود نعم العوينـي
ياخادم البيتيـن فخـر الإمامـه ... حبل الرجا ممدود بينـك وبينـي
أجبر كسر قلبي وحقق مرامـه ... أفزع فديتك تكسب الأجر فينـي
تكفا يا ابو متعب مقرّ الشهامـه ... الحيل واهن والزمـن مبتلينـي
قلبي ورا قضبان سجن المنامـه ... ردّه عليّ تزيـن باقـي سنينـي