نظام غذائي حسب فصيلة الدم

[sama]

مساء الخير، موضوعك مهم يا بنت الرياض اشكرك عليه، على فكرة عندي ملف كامل ترجمته السنة الماضية بخصوص هذا الموضوع، يعني كل نوع دم وشو الاكل اللي بناسبه وشو الانواع اللي المضرة واللي بتساعد على ظهور الامراض عنده، يعني ممكن نحكي وقاية وعلاج، اللي ساعد وكشف هذا البرنامج انه ممكن نعمل برنامج غذائي معين مثل برنامج مايو كلينك اللي يعتمد على حرق الدهون بطريقة كيميائية) فناس بتنحف عليه وناس كمان بطبقه لكن ما بتنحف، ففكروا بانه في سبب آخر اله علاقة فتبين انه نوع الدم، وفعلا هذا الامر صحيح ، يعني في رجيم يعتمد على اللحوم بينفع اصحاب الدم O لكن ما بيساعد انواع دم اخرى، وفي دراسات كثيرة على هذا الموضوع خاصة بالغرب تثبت هذه النظرية ، وكيف من خلال هذا البرنامج مش بس تتخلص من الوزن الزائد بل كمان تتخلص من امراض العصر مثل الضغط والسكري، صدقوني انا مقتنعة بهذه الفكرة لانه السبب الاول للداء هو المعده... واحنا العرب الاكل عنا شيء مهم بالحياة... رح ادور على الملف واضعه بين ايديكم انشاءالله.