|
#1
17-03-2006, 12:40 PM
|
|||
|
|||
أنواع الشباب لما يوقفون عند الإشارات
أنواع الشباب لما يوقفون عند الإشارات
النوع رقم 1 متنح هذا النوع إذا وقف تلقاه يدخل جو ويقعد يتخيل ويناظر بالدركسون ويندمج حتى اذا فتحت الإشاره يبيله ساعه علشان يفك من التتنيحه ويمشي تكون الإشاره وقتها طفت فـ يضطر انه يدخل جو مره ثانيه النوع رقم 2 وجه المرايا هذا طال عمركم إذا وقف مغير يناظر وجهه بالمرايا شوي ويدخل فيها يا أنه يمسح الغمص ولا أنه يعدل الشخصيه ولا يمشط شعره وغالبا يكون موجه المرايا على وجهه ومخلي القرعه ترعى النوع رقم 3 حك الدماغ طبعاً هذا النوع هو الأكثر شيوعاً بين طبقات المجتمع بغض النظر عن كون الشخص راعي موتر مترف او موتر سكراب تلقاه مشير اصبعه السبابه في خشمه وقاعد ينقب عن النفط وفعلا تكون هناك امجاد واكتشافات عظيمه ,,, واذا انتهت العمليه مسح صبعه بالكرسي وانطلق النوع رقم 4 Look At Me هذا نوع يموت ويشوف الناس تناظر فيه وعادة مايكون مرفع صوت المسجل على الآخر وفاتح النافذه عالخفيف حتى لو أنه مشغل المكيف وحتى لو الناس صيف أهم شي الي حواليه يناظرونه وإذا شافك تناظره يقعد يطالعك من تحت لتحت ويبشقلك ابتسامه صغيره بحيث انك تبتسم ضاحكاً عليه وهو يفكرك معجب فيه وإذا فتحت الإشاره يمشي قدامك ويضرب لك إشارات يمين يسار النوع رقم 5 هواة السوبربان هذا النوع أنا أقدرهم وانبسط عليهم بالحيل ,, تلقى راعي الـ جمس مركب عيال الحاره كلهم وشاحن الموتر وإذا وقفوا عند الإشاره يشتغلون لك يمين يسار رقص وتشوف السياره تروح يمين يسار كأن عليها هيدروليك ,,, تحياتي لكل من عنده جمس جميع المقاسات النوع رقم 6 والله مخاوي هذا النوع يكثر لدى أصحاب السيارات الفخمه ,, أتحداك توقف عند إشاره ماتلقاه ماسك النقال ويكلم ومميل راسه على جمب شوي ويضرب في القزازه وتلقاه يناظر نظرات ذكيه يشوف هل فيه أحد ملاحظ أنه يكلم ولا لأ ؟ النوع رقم 7 داخل جو وهالنوع يجيك مقفل النوافذ ومشغل المكيف صيف وشتاء ومرفع صوت المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل ملاحظه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك النوع رقم 8 والله أشرب دخان هذا النوع ماتحلى له السيجاره الا إذا وقف عند الإشاره ويفتح النافذه على النص ويجلس يسحب سيجاره عند كل إشاره لين مايوصل إلى وجهته المرتقبه ---> عاد تكفى الوجهه رايح القهوه النوع رقم 9 بلوتوث يتميز من يتصنف هذه النوعية بميزة البثاره , ماغير يسوي بحث عالبلوتوث ويرسل للي بجمبه بالإشاره وعادة مايحاول يستظرف ويرسل لك رقمه مع أن النك نيم حقك وأضح أنه حق تمساح بس البثر بثر ياجماعه ماباليد حيله غير الدعوه بالشفاء ----> مياه الشفاء ولا الهدا ههههههههه النوع رقم 10 بحث عن السحالي يميز الجيل الجديد من المراهقين بميزة جديده وهي الترقيم بطرق جديده يعني لو شاف بنات بجمبه وحب يرقمهم يجلس يطامر ويحوس ولا يسوي بريك بنزين ولا أنه يحط المعروض الي مكتوب عليه السياره للبيع ورقم الجوال وحظك نصيبك تدق ولا ماتدق مع أنه جالس يحتريها من الصبح النوع رقم 11 لايمكن الإتصال به الآن هذا النوع للمتزوجين تلقاه داخل عالم ثاني مع الي بجمبه وساحب على أبو الدنيا ومافيها , والله يحق له ماينلام بس أحذركم لاتقعدون تطالعون فيه والله الي يحقد عليك ويحدك حدّه أليمه يرقيك الرصيف النوع رقم 12 المطوع وهذولا الله يلاخلينا منهم ما لنا بركة الا هم هذا الله يسلمكم إذا شافك مطول عالمسجل ولا شي يضرب لك بوري ويسألك عن مسجد ولا جامع علشان تتعظ وتعتبر ومرات يحاول يعطيك أرشطه دينيه الله يجزاهم الف خير ويهدينا جميعاً النوع رقم 13 ورع وصار رجل هذا الي توه متعلم يسوق وتلقاه مستلج بالإشاره مرات يدعس بنزين والقير فاضي ومرات يرقص السياره ومرات يتفنن في الرقص مع أنه بلحاله 
|
|
#3
19-03-2006, 02:54 PM
|
|||
|
|||
خخخخخخخخخخخخخخخخخخخ
رهيبة في الوصف يالدمعة الحزينة بس انتو يابنات ماعندكم شغلة غير تتطلعوا عيوبنا انا اوريكم 
|
|
#4
21-03-2006, 09:34 AM
|
|||
|
|||
|
الحمدالله ولا وحدة تنطبق علية
__________________
 
|
|
#6
22-02-2007, 01:26 PM
|
|||
|
|||
|
النوع رقم 7
داخل جو وهالنوع يجيك مقفل النوافذ ومشغل المكيف صيف وشتاء ومرفع صوت المسجل عالآخر ومنسجم مع الأغنيه وقاعد يغني مع المطرب ولا بداري عن الي حواليه مع أن الي حوله ملاحظينه بس مادرى عنهم ولا طق لهم خبر وطبعاً يقدر الفن الأصيل ملاحظه : إذا تبي الناس تناظرك يعطونك اشكل وإذا ماتبي يناظرونك تلقاهم ناشبين ببلعومك انا من دا النوع  يسلمووووووووووو دمعه 
__________________
 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ++_++ أنواع الناس++_++ | همســ قلم ــات | ركن الذهبية العام | 19 | 27-06-2007 09:05 PM |
| أنواع الرجال | sami haroon | ركن الذهبية العام | 14 | 18-10-2006 01:49 PM |
| أنواع البنات | دموع تبتسم | طرائف والألغاز والفرفشة | 13 | 18-09-2006 01:07 PM |
| أنواع الشباب على حسب نوعية سيارته | DoDa AlBtOoOtA | طرائف والألغاز والفرفشة | 7 | 15-08-2005 06:40 PM |
العرض العادي
