العودة   الذهبية > منتديات الذهبية المنوعة > ركن المرح والترفيه والالعاب > طرائف والألغاز والفرفشة

« آخـــر الــمــواضــيــع »
         :: سرطان البروستاتا: تحديات وآفاق علاجية متطورة (آخر رد :اميرة ابى)       :: افضل تحسين جودة التعليم وزيادة فاعلية العملية التعليمية (آخر رد :aligroup)       :: طريقة صنع البان كيك (آخر رد :om abeer)       :: طريقة المعمول بالتمر الرائع (آخر رد :om abeer)       :: طريقة الفوتشيني (آخر رد :om abeer)       :: إيدي هاو يضع علامة برونو غيماريش وهو يتطلع إلى المرحلة التالية من مشروع نيوكاسل يوناي (آخر رد :هدي فاروق)       :: العلاج فى المانيا للعرب (آخر رد :اميرة ابى)       :: طريقة تحضير السبانخ في المنزل (آخر رد :om abeer)       :: تعريف القانون الدستوري (آخر رد :merehan)       :: كيفية التخلص من غزو النمل بسرعة (آخر رد :سمي)      

إضافة رد
 
أدوات الموضوع انواع عرض الموضوع
  #1  
قديم 06-01-2007, 07:19 PM
طعومة jed طعومة jed غير متواجد حالياً
عضو خطير جدا
 
تاريخ التسجيل: Aug 2004
المشاركات: 4,064
افتراضي العريس الحرامي

العريس الحرامي







بصوا بأه ..أولا الحكاية دي برضه من فصيلة هم يبكي و هم يضحك ..


الحكاية دي مايعرفهاش أي حد غير انا و ماما ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ...حصريا على بلوجر ..حكاية العريس التاني ل عايزة أتجوز ..إقرا الحادثة ..اقرا الحادثة


احمم..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب ..و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..ابن عمي عمل كده و البت لسعته حتت قلم على وشة ..علم على صداغه 3 أيام ..قام هو اتكيف قوي و قال البت دي واضح انها مؤدبة و متربيةوراح خطبها ..آه و النعمة..هي صحيح بعد كده اتضح ان ايديها بتطول عليه في كل المواقف مش في الموقف ده بس ..بس و الله الراجل مبسوط و بيحلف باليوم اللي شافها فيه..و بيلعن أبو ...والا بلاش دي في مقام عمتي برضه


المهم أنا يوم نازله من البيت رايحه الشغل..حسيت بكيميا م اللي كنت بقولكم عليها دي ..حسيت ان فيه عين هتخرم قفايا ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك ف ايده شنطة سودا و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو" فاكرينهم ؟..المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إنا ..و جه كمان قعد جنبي ....يا حلولي يا حلولي..بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا شباب المستقبل و لا جمال مبارك ولا حاجه أبدا..بس لاقيته في نص المسافه كده ..بيميل عليا و بيقول باسلوب رزين كده
...لو سمحتي ممكن أسأل حضرتك على حاجه ..وانتوا ماتعرفونيش... باتسطل لما حد يقولي حضرتك ..بس برضه مش سهله يعني..صدرت الوش الخشب و قلتله ..خير بمناسبة ايه ؟...يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..بس الإرتباط بأه لازم أتأكد منه من حضرتك ..(حضرتك تاني يا حلولي)..والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..طب يعني أنا لو معجب بحضرتك و عندي نيه أتقدم رسمي ..أعمل ايه ..أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ..ده واقع بأه..بس برضه على مين ..لازم أثبت ..و الله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم
في المواضيع دي ..لو سمحت ماتحرجنيش اكتر من كده ..جامده جامده يعني ...الحقيقة انت كده أثبتيلي اني أحسنت الإختيار....ياسلام ياسلام..الله الله ..هو ده الكلام ..لحد كده الأمور كلها صح و مية مية ..صديته آه بس كمان قلتله كلم بابا..سيبتله سكه مفتوحه يعني .





الواد بأه التباع راح شاخط فيا في اللحظه دي ..الأجرة يا أبله والا هتركبواببلاش...يابن اللذينا ..دانا عماله أترسم من ساعتها تبعتر كرامتي كده ؟...جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي ..لأ مايصحش ..لأ بأه اسمحيلي ..أنا لا يمكن أقبل واحده هاتقدملها تدفع و انا موجود ...وجون وجون وجون ..هيتقدملي خلاص أيوة كده هو انا صحيح ماعرفش هو بيشتغل ايه و الا عايش فين والا بيقلد فنانين والا ايه نظامه بس الجواب بيبان من عنوانه.

أول ما المكروباص وقف لقيته نزل معايا في نفس المحطه و بصلي و قاللي ....أنا حبيت أنقذك يعني في المكروباص ..واضح قوي انك ماعاكيش فلوس...الدم ضرب في نافوخي..وله انت هتتمنظر عليا والا ايه ؟..واضح ان شنطتك فاضية آخر الشهر بأه يالا وفرتلك أجرة المكروباص تنفعك ..بصتله بذهول كده و قلت له ..مين اللي قالك الكلام الفارغ ده ..انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..الدم كان خلاص قرب يطلع من نافوخي زي النافورة..رحت مطلعه كل اللي في المحفظه مورياهولي ..أهه حتى شوف 50-100-200-220


لقيته مد ايده اخد الفلوس..و بصلها كده و عدها و قاللي آه صحيح انتي معاكي فلوس أهه

و في لحظه راح مطبقهم و حاطتهم في جيبه ..و قاللي انا هاخليهم معايا بأه سوفينير لحد لما آجيلكم البيت ..ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا المكروباص و هوا ..فص ملح و داب

أختكوا بأه واقفه في وسط الشارع هابلااااااااااه ..زي اللي اتدلق عليه جردل مايه مش نضيف..مش عارفه أصوت والا أطلع أجري وراه والا ألطم على وشي ...فضلت واقفه يجي خمس دقايق في الشارع مش عارفه اروح فين والعربيات تقعد تزمرلي و لما تلاقيني مسهمة تقريبا اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ..و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟


بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان ..دخلت الصيدلية..قعدت ع المكتب ..و فجأه .....انفجرت في العياط ..و العيال زمايلي اتلموا حواليا..مالك ..فيه ايه؟...حد زعلك ..حد كلمك؟

من بين العياط و الشحتفه ما اقدرتش أقولهم غير كلمه واحده
.................................................
..................................
..................
اتسرقت



__________________

التعديل الأخير تم بواسطة دموع تبتسم ; 07-01-2007 الساعة 12:09 AM
رد مع اقتباس
  #2  
قديم 06-01-2007, 07:34 PM
ghost ghost غير متواجد حالياً
عضو خطير جدا
 
تاريخ التسجيل: Jun 2006
الدولة: جدة
المشاركات: 12,642
افتراضي


رائع يا رائعة
مشكورة جدا
__________________
رد مع اقتباس
  #3  
قديم 06-01-2007, 08:37 PM
الصورة الرمزية محمد
محمد محمد غير متواجد حالياً
عضو الماسي
 
تاريخ التسجيل: Sep 2006
الدولة: جدة
المشاركات: 1,408
افتراضي

حركات محترفين
هذا الشغل اللي على اصوله
يغريها وبعد كده يسرقها ويا ما تصير كده كثير
__________________
رد مع اقتباس
  #4  
قديم 07-01-2007, 12:16 AM
دموع تبتسم دموع تبتسم غير متواجد حالياً
عضوة متميزة
 
تاريخ التسجيل: May 2005
الدولة: جًٍدًٍهًٍـًٍ,,,}{
المشاركات: 4,939
افتراضي



مصدقه نفسها الأخت
__________________
ســبــحــــان الله وبحـمــده
ســبــــحان الله العظيم


رد مع اقتباس
  #5  
قديم 09-01-2007, 09:48 AM
لحظه حب لحظه حب غير متواجد حالياً
عضوة مميزة
 
تاريخ التسجيل: Sep 2006
الدولة: في قلب حبيبي
المشاركات: 6,349
افتراضي

تعيش وتحكي
__________________
رد مع اقتباس
  #6  
قديم 10-01-2007, 10:22 PM
طعومة jed طعومة jed غير متواجد حالياً
عضو خطير جدا
 
تاريخ التسجيل: Aug 2004
المشاركات: 4,064
افتراضي

ههههههههههههههههههههههههههههههههههههههههه

تسلمو لمروركم الحلو وردودكم لاحلا
__________________
رد مع اقتباس
  #7  
قديم 12-02-2007, 09:33 AM
$ M.E.D.O $ $ M.E.D.O $ غير متواجد حالياً
U cAnT fOrGeT Me
 
تاريخ التسجيل: Jul 2006
الدولة: JeDDaH ;)
المشاركات: 22,007
افتراضي




من جد كتري منها
__________________




رد مع اقتباس
  #8  
قديم 13-02-2007, 01:35 AM
طعومة jed طعومة jed غير متواجد حالياً
عضو خطير جدا
 
تاريخ التسجيل: Aug 2004
المشاركات: 4,064
افتراضي

هههههههههه

اوك ياميدو

منور الموضوع
__________________
رد مع اقتباس
  #9  
قديم 31-07-2007, 10:55 PM
الصورة الرمزية admin
admin admin غير متواجد حالياً
مــؤسـس المــوقــع
 
تاريخ التسجيل: Sep 2003
الدولة: جدة
المشاركات: 4,278
افتراضي



حلوه يا طعومة


بس نبغى ترجمة للغة الحجازية

__________________



كتبت وقد أيقنت يوم كتابتي بأن يدي تفنى ويبقى ماكتبته




رد مع اقتباس
  #10  
قديم 05-08-2007, 01:32 AM
طعومة jed طعومة jed غير متواجد حالياً
عضو خطير جدا
 
تاريخ التسجيل: Aug 2004
المشاركات: 4,064
افتراضي

ههههههههههههه

ان شاالله

يسلمو جلمود للمرور منور
__________________
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قال من جماعة العريس قال .. ح ــدي كـلاسـي طرائف والألغاز والفرفشة 10 21-02-2009 04:42 PM
مرام الكويتية تغني العلالي وتخطف انتباه العريس ليالينا الحلوه أخبار فنيه و أخبار متنوعة 5 03-06-2008 01:27 AM
مفاهمات بين أبو العريس والعروسة ( كاركاتير ) hazmi jeddah طرائف والألغاز والفرفشة 4 08-02-2008 07:47 PM
محاورة حلوة بين العريس والعزوبى كل الحب الشعر 5 02-04-2005 03:00 AM


الساعة الآن 08:04 PM.


Powered by vBulletin® Version 3.8.6
Copyright ©2000 - 2025, Jelsoft Enterprises Ltd