|
#1
11-11-2007, 07:04 PM
|
||||
|
||||
تخيلووو البنات يخطبون الشباب
تخيــــــــــــلوا البنات يخطبـــــــــون أولاد!!؟
يوووووه العن ام الفله يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي ياربيييي) و سرحان في فارسة احلامك على السرير الابيض.. الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. . ترد انت بكل خوف : خير يمه؟ .... تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك ثم تنزل انت راسك في الارض و تلعب باصبعك في شعرك (او شنبك) و ترد و انت مستحي و خدودك حمرة (هذا اذا كنت محلق اللحية) و تقول: .... الراي رايك والشور شورك يايمه.. تقول امك: انا بصراحة ما اشوف في البنت شي. . ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت .. ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. . تقول انت : بس يا يمه هي ما شافتني من اول. انا دايما متلطم بشماغي <<ههههههههههههههههههههههههههههههههه لا تعليق تقول امك: هي شافتك و انت نازل من باص المدرسة <<انواع البراءه. بس ..و سألت عنك و قالو لها ولد وش حليله ماهوب راعي سوق و كوفي شوب و ما يطلع الا مع ابوه. (وافشيلتاااه)خخخخخخخخخخخخخخخخخخ و تراها هي و امها جايين يوم الخميس علشان يشوفونك.. تسال انت: طيب يا يمه ابوي وش رايه؟ تقول امك: ابوك ما يدري خليه حايس في المطبخ الله يعينه.. تقول انت :اللي تشوفينه يمه. .وتطلع امك من الغرفة وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياملحني بس) و تقول : اه اخيرا حسَت و خطبتني. و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تطلع زي قمر اربع طعش وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة خخخخخخخخخخخخخخخ ويقولك ابوك : يالله دخل العصير على خطيبتك ترى امك ذبحتنا تسال عنك تقول انت بكل خجل: واي واي يا يبه انا استحي امبي ابي امي ابي جدتي ابوك يقولك وهو يطق على كتفك و يضحك يا ولد روح لعروسك تقول انت: يا يبه دايما تحرجني انت يوووه منك ياربييييه و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم <<يمديكم على الدلع ترد هي بعد ما وقفت و عليكم السلام ( و هي تناظر فيك و قعت خلاااااااص) ... و تقولها تفضلي.... تقول هي: وش الاحلى العصير الاحمر و لا الاصفر؟ << يقالها تبي تلطف الجو معك وتطرح الميانه تقول انت: كله حلو تقول هي: اكيد كله حلو لانك انت اللي مسويه ثم تحط الصينية بسرعة و يدك على فمك و تضحك و تروح داخل بسرعة ياربييييييييييييييه الا اخوانك يحترونك و يقولون: ها وشلون شكلها تقول انت: يووه تهبل تهبل حلوة و دمها خفيف و ذوق اهههههااي الا ابوك من المطبخ يزغرط لللللللوووولللللوووووشششششششش مبروك يا ولدي الا بدخلة اختك العربجية من بره و حاطه عبايتها على كتفها و تقول : خير وش فيه !! يقوله ابوك : قصري صوتك في وحده داخل خطبت اخوك .. تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ... الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد <<<خطيررررررررررررره ياليتها صدق سياره واطلع لاستاحة خوياتي ابوووووووووووووووك يالدجه و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الدواسر <<خخخخخخخخخخخخخخخخخخخ رجال و طبعا مافيه زبيدة او صيته او العنود وسارة وشوي الا العفسة قايمة : ترى العروس جايه و ينطون الرجال و الشباب كلن يلبس شماغه و يتلطم .. و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر ثم تلف وجهك وانت مستحي و يتم الزواج و بعد تسعة شهور الا انت تجيب توأم وتمر الأيام تربي عيالك و تطبخ الغدا لزوجتك وتتهاوشون ساعات و تنام و دمعتك على شنبك وفي يوم يزيد حدة الخلاف و تاخذ شماغك و عيالك و تروح لبيت اهلك و تصلح امك ما بينكم و ترجع الحياة مثل اول . اتمنى موضوعي ينال اعجااابكم تقبلوووو تحياتي 
|
|
#3
11-11-2007, 10:29 PM
|
|||
|
|||
فكرتيني بطاش ماطاش
 بس ترى كانت الحلقه مرره تنرفز 
|
|
#4
12-11-2007, 12:54 PM
|
||||
|
||||
ياحبي لكم
الله يخـــــــــــــليكم وشــــــــــكراااا على المرور الاكثر من راااااااااااااائع تقبلووو تحياتي اموووووووووه
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بعض اكاذيب الشباب على البنات | رورو الطعمة | طرائف والألغاز والفرفشة | 20 | 21-03-2008 02:49 AM |
| الفرق بين اكل البنات واكل الشباب | sami haroon | طرائف والألغاز والفرفشة | 11 | 13-09-2007 10:45 PM |
| اكاذيب الشباب علي البنات | sami haroon | ركن الذهبية العام | 7 | 30-06-2006 02:57 PM |
| أسماء البنات عند الشباب | دموع تبتسم | طرائف والألغاز والفرفشة | 12 | 27-12-2005 04:52 PM |
| عجائب الأرقام .... انصحكم تدخلوون | عبودي one | غرائب حوادث و عجائب | 6 | 14-08-2005 12:52 AM |
موضوع رائع يسلمو
العرض العادي
