ممكن رد على القصه هذي

[عضــاض]

السلام عليكم ورحمة الله وبركاته

ياهلا وسهلا فيكم :
اسمحولي اليوم اني اخد رايكم في مشكله تخص واحد اعرفو ,
بأختصار الولد حب وحده اتعرف عليها بالبلوتوث وبعد ثلاثه شهور بدئو الحب المهم الولد حبها حب وصل الى الجنون الين سار يسيبنا احنا اصحابو على شانها , اصلا انا من البدايه هذي النت مادخلت مزاجي لانها كانت تطلب منو يدخلها مكالمات جماعيه مع الشباب اصحابو وطبعا انا واحد من الي دخلت مكالمه جماعيه المهم اسلوبها ما عجبني من البدايه انا نصحتو لاكن ماسمع الكلام ,طيب حبها الولد وهيا من كلامو انها حبتو بس انا ماعتقد المهم بعد الحب الواد قال يبا يتزوجها طيب , البنت لعبيه مره سار يقلها لاتدخلي مكالمات جماعيه تقلو طيب وبرضها تدخل وكل مايتصل عليها يلاقي جوالها انتظار وماترضى تقفل ولا ترد وتقلو دقيقه وتلطعو تلاته اربع ساعات المهم مشيت الايام وعرف انها طلعت شريحه تانيه من وراه وبعدين بدئت تصارحو , قالتلو انها مهي بنت بنوت وكمان انها تحب واحد ثاني معاه بس الثاني حيسافر ويسيبها وعلى فكره البنت اغتصبت وهي عمرها 13 سنه وقعدت تبرر موقفها قدام الولد انها تخش مكالمات جماعيه عشان تنسى الي سرلها وترى هذا كلو والولد صابر الين جا يوم وبانت في الخيانه وطلعت الخيانه من مين , من واحد صاحبو دخلها معاه مكالمه جماعيه في يوم من الايام المهم لما عرف انصدم وصارحها قامت قالت انو عادي والمفروض انك ماتزعل ونو صديق عادي بالله اي حب هذا وطبعا الولد انصدم وتركها وهي الين دحين تبغا يرجع لها انا من رئي انو مايرجع لانها خاينه والخيانه هذي مره قويه خصوصا انها خانتو مع صاحبو وبكل وقاحه تقول عادي والله عينها قويه الواد يحكيني وهو مقهور ودمعتو على خدو فئنا باطرح عليكم هذي المشكله عشان تعطوني رئيكم هل الي سواه صح ولا ايش رايكم انتو

[بنت المدينة]

اكيد صح طبعن هادا الحب محرم اولن

تاني شي كيف بدو يتزوج وحده كلمت كل اصحابو

والله اعلم كيف ضيعت شرفها هيا تقول اغتصاب بس سلوكها يقول غير كدى

خليه يبعد عنها وينساها وربي يغنيه ببنت حلال

والله يهدي شباب المسلمين

[عضــاض]

مشكوووووووووووره وما قصرتي ويعطيكي الف الف الف عافيه

[DoDa AlBtOoOtA]

لا ياابلة الحب مو حرام

اذا كان حرام كان ماحبينا لا بابا ولا ماما
بس في ناس مايقدرو الحب ويعيشو قصة كلها اخطاء

اللي يحب حبيبه لازم يخلص له
وبعدين دي البنت كيف يرضى يزوجها وهي بتتكلم مع اصحابو عادي طيب افرض لو اتزوجها وعزم اصحابو للبيت مو بعيد انو تقعد معاهم وتضحك معاهم
انا نفسي اعرف فين اهل البنت عنها ليه كدا بيسيبوها


الولد لازم يسيب البنت دي لانه هي اصلا ضايعة واكيد رح تضيعه معاها
فانا نصيحتي له انه يبعد عنها ويتقرب من ربنا واكيد مع الصبر رح يلاقي حلم حياته ويعيش مبسوط

[hazmi jeddah]

غلط والف غلط وقبل ما اكمل الموضوع اقول الافضل الشخص يدهب مع ابوه وامه يروح يدق ابواب بنات الحلال المستورات في بيوتهم ووالله هم الحب الاول والحقيقي

[صمتي جرحني]

انا اقول ان الاثنين غلطانين عشان هو دخلها مكالمة جماعية وشلون يصير يحبها وهو مايغار..
وهي نصابة والافضل انه يتركها ولا يفكر فيها ...ولما يفكر يحب يحب وحدة بنت ناس وبنات الناس يبانون

[عضــاض]

صح كلامك شكرا على مشاركتك ويعطيكي الف عافيه

[الأهيم]

الحب أبدا مو حرام لأن المسطفى عليه الصلاة والسلام قال:(ليس للمتحابين دواء غير النكاح).
أو كما قال عيه الصلاة والسلام.
ومن جد إلي يحب يحب بنت ناس مو أي وحده،لازم يعرف أصلها وفصلها.
وفين أهلها،وفين موقفهم من قضية الإغتصاب،كان على الأقل زوجوها على الي أغتصبها،ولو كانت صغيره يصبروا لين تكبر دام إنو الغلط صار يتحملوا نتيجة غلطهم،لو ماكن بيد البنت الله يعينهم يتحملوا الذنب إلي حطوه ببنتهم فيه بسبب إهمالهم للمسؤليه،بس ما أظن إنها صغيره دام إنها تدخل مكالمات جماعيه لا وتعرف تخون وتنصب كمان إيــــــــه دا دي مصيبه منيله بألف نيله.
بس أحسن شي ربنا فكه ووراه الخيانه أية خيانه دا يحمد ربه ألف مرف إنو نجاه من النصابه الكبيره دي.
ونصيحه مني عشلن ينسى أحسن له يروح عند أهله ويقولهم دورولي على بنت الحلال،والا إذا غاوي عذاب يدور بنت ثانيه تكون محترمه.
قاعده
(مو كل بنت تحب ولد واحد تعتبر بنت مو تمام)
أتنمى إني قدمت حل.
رفيق دربك الأهيم

[hazmi jeddah]

( ليس للمتحابين دواء غير النكاح)

[رورو الطعمة]

اي ولد يكلم بنت وتزوجها انا اسفه اعتبرو اهبل لانو اكيد كلمت احد غيرو حتى البنت نفس الكلام

لي يبغى يحب يفكر قبل مايحب عشان لا يندم
صح ياعضاض