|
#1
13-06-2006, 06:59 PM
|
|||
|
|||
مرض بصراحة
سلام شباب وقيرلز
من زماان ولدحين انتشرت ظاهرة ومازالت للاسف ظاهرة جدا سيئة الظاهرة دي هيا العنطزة والفشخرة زمان كونا نشوفها في الاشراف نوعا ما وبعدها سرنا نشوفها في الباشوات في مصر ودحين سرنا نشوفها في العوايل الكبيرة والغنية غالبا لانو لو عيلة صغيرة وفقيرة ومتعنطزة دي مشكلة عاد هههههههههااي تعنطز الناس او تفشخرهم على اللي اقل منهم مستوى اجتماعي او غنى بعض الشباب وبعض البنات وكتير يعني الصراحة مو قليل للاسف وصلت بيهم السطحية انو ما يخرجو مع شباب او بنات الا لو كانو من عوايل معروفة او ازا كانو اصحابهم يلبسو من اماكن معينة ويخرجو لاماكن معينة وتلاقيهم يحتقرو الناس اللي يخالفوهم على سبيل المثال بعض شلل الشباب اللي اتكلم عنهم ربنا انعم على اهاليهم وكول واحد ابوه ولا امو مشتريلو سيارة من اروع ما يمكن تلاقي كول شلتو في نفس المستوى وما يدخلو ولا احد اقل منهم في الشلة وازا دخلوه فعلى سبيل الطقطقة على راسو يسير زي الاراجوز حقهم على الرغم من انو الشخص دا ممكن يكون احسن منهم اخلاق وعلم واشياء تانية كتير اديكم مثال تاني شباب ما يلبسو الا من ارماني وما يروحو الا ياجيت ولا ريد كانديلز ولا كاسبر يشوفو ناس حولينهم او حتى واحد من اصحابهم يروحو البيك ولا يشتري ملابسو من الخالدية ولا جيوردانو تخيلو يخاصموه ويستحقروه وممكن حتى يخرجوه من شلتهم وبنات عايشين بنفس الطريقة ازا البنت دي ما تلبس من نفس لبسهم سارت معفنة وخدمية وبيئة وازا البنت دي سمعو انها تروح حراء ولا راحت اي مكان غير مولاتهم المشهورة سارت مستواها واطي عارفين نفس نظام Plastic Girls اللي في امريكا واكيد كول البنات شافو فيلم Mean Girls وعارفين كويس انا قصدي اتكلم عن ايش هنا يعني شغل فشخرة عالناس وحكم بالمظاهر وينسو نفسهم انو هوما اتفه حتى من اللي بيتكلمو عنهم لانو دي سطحية بحتة واسمحولي اللي يفكر كدا عقلو قد اصباع رجلي الصغير ليش احنا نحكم عالناس بايش يلبسو ولا ايش يركبو ولا فين يخرجو لا وتخليو اللي تلاقيه يلبس مسلن من ارماني ولا ديزل يحاول يوري الناس كولها شوفوني انا بالبس ارماني حتى لو البوكسر مشتريه من ارماني يتعمد يشتري بنطلون لو ويست عشان تبان علامة الارماني؟؟ سيارتو يحوط عليها شعار ارماني وبوسترات وستكرات الشعار في كل مكان عندو والله باقي تفسخلو بنطلونو تلاقي مطبوع ارماني ولا شوية شوية حيجي يقولك ارماني هوا ابوه بالرضاعة ههههههههااي يا جماعة الواحد بيلبس على زوقو مو عشان يوري الناس شوفو انا ايش لابس والفشخرة والعنطزة دي مو حلوة احكيكم برضو واحد من اصحابي الولد من عيلة كبيرة وغنية وكول شي بس جدا متواضع معاه جيمس بليزر وراح يخطب صحبة اختو برضو من عيلة كبيرة الام تقولو ما نزوجك هيا الا لو تغير سيارتك انا بنتي ما تركب جمس طب يارب عيلة الولد عيلة كبيرة وحتى اغنى من عيلتك نفسها كمان لكي وش تتفشخري عليه لمجرد انو هوا متواضع استحقرتو تخيلو عشانو يروح كافيهات مهي فخمة وغالية؟ طبعا من دي العينة نشوف كتير وكل مالها تزيد والمصيبة تزيد اكتر من الناس اللي دوبو الغنى نزل عليهم بعد فقر والرزق من ربنا لكن دولا يجوك وينسو يوم انهم كانو زي باقي الناس على قد حالهم وربنا رزقهم على طول الفشخرة وما يختلطو مع اي ناس ومن دا الكلام لمتى حنقعد نفرق بين الناس على مظاهرهم ولبسهم وخرجاتهم ليش حتى اللي عندو ما يكون متواضع ويشوف الناس بنظرة وحدة حلوة ووقتها من التعامل معاهم حيعرف مين اللي يستاهل يكون صاحبو ومين اللي ما يستاهل واكيد مو عشان التفاهات دي 
|
|
#2
14-06-2006, 07:07 AM
|
|||
|
|||
|
طرحك جميل يا فلاوي
 والله فشخرة وعنطزة مالها داعي ابدا يعني الواحد يفكر ببساطة لو واحد اتعنطز واتفشخر عليك ايش تكون ردت فعلك اكيد حتحتقروا وماتحبوا فاكيد انت لمن تتطعنتز و تتفشخر على الناس هما كمان حيحتقروك ومايحبوك ومافي احلى من التواضع والبساطة انتوا ماسمعتوا صباح وهي تغني علباساطا الباساطا يا عيني علباساطا الله يهديهم الناس الي يسو زي كدا مايستحوا والله 
__________________
|
|
#3
17-06-2006, 09:07 PM
|
|||||
|
|||||
|
مشكور فلاوي على مشاركتك معانا في قسم قضايا و حوار
موضوعك مهم جدا وكلامك كله صحيح واتمنى ان تزول هذه الظاهرة فالتواضع خلق الأنبياء ومفخرتهم وهو خلق كريم وصفة جذابة تستهوي القلوب وتستثير الإعجاب والتقدير يعطيك العافية
__________________
كتبت وقد أيقنت يوم كتابتي بأن يدي تفنى ويبقى ماكتبته 
|
|
#4
19-06-2006, 01:54 PM
|
|||
|
|||
|
المرض دا مالو علاج صدقوني
__________________
 
|
|
#5
21-06-2006, 11:55 PM
|
|||
|
|||
|
والله يافلاوي في كثير ناس على قدهم وفشخرة وعنطزة على قولك وكذابه
هذولا مساكين مريضين نفسيا ماعندهم ثقه في نفسهم يحبوا الناس يتكلموا عنهم سوا وعملوا وانتيلوا انا الحمد لله مااحب هذا النوع ومايهمني كلام الناس إللي يتكلم يتكلم وإللي ينحرق في ستين داهيه بلا عنطزة بلا فشخرة ووجع راس ومن تواضع للناس رفعه ومحد ماخذ منها غير لفه بيضه وتحت التراب
__________________
ســبــحــــان الله وبحـمــده ســبــــحان الله العظيم 
|
|
#6
26-07-2006, 06:05 PM
|
|||
|
|||
|
موضوع جميل
وللاسف منتشر في كل الاعمار يعني لو نقول في المراهقين طيب في البنات لأ في كل الطبقات تجد هذه الفئة في كل الاعمار تجد من هذه الفئة ومثال ذلك صديقك الي راح يخطب تصدق ان ربي يحبه الظاهر راح يتزوج الأم مو بنتها والام الي تناظر هالمواضيع تخلي بنتها عندها احسن وهذا موضوع ايضا مهم تدخل الامهات في مستقبل وحياة بناتهن والله المستعان على ما وصلنا اليه من تفاهة في الفكر ودنو في القيم شكرا اخي فلاوي
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بصراحة هل أنت ضفدعة ..؟؟!! | بنت المدينة | البرمجة اللغوية العصبية وهندسة النجاح | 11 | 29-11-2007 04:21 PM |
| جاوب بصراحة .....ستظهر لك قصه طريفه | sami haroon | طرائف والألغاز والفرفشة | 4 | 02-04-2007 03:08 PM |
| بصراحة فن | angellove | مكتبة الصور ومقاطع الفيدو والصوت | 7 | 13-03-2007 09:48 PM |
| بصراحة كيف تفضلها؟ | مريومة | ركن الذهبية لمناقشة القضايا والحوار | 27 | 02-12-2006 10:31 PM |
| اعطيني رأيك اذا تكرمت بس بصراحة؟! | البروفسور | ركن الذهبية العام | 6 | 28-03-2005 03:00 AM |
العرض العادي
