أنانيتي وإبنتي والحب قصه واقعيه

[دموع تبتسم]

أحد القصص المؤلمه لأحدى الفتيات حبيت أنقلها لكم


إن شاء الله الأمهات يستفيدوا منها



تقول صاحبه القصه



هذه القصه قصتي التي حصلت مع بنتي ..

وأحكيها لكم بتفاصيلها .. فأرجوا المتابعه ..

ملاحظه >>> إذا بنتك عندك طلعيها من الغرفه ..

أولا ..

الحمدلله ..

ربي رزقني بثلاث بنات وولدين ..

بنتي الكبيره .. عمرها 20 سنه ..>>> بطلة القصه


المهم ندخل في القصه ..

بنتي الكبيرة غييير عنهم كللللهم ..>> ربي اعطاني نعمه ماحافظت عليها ..

كااانت تسوي اي شي اطلبه منها ..

عكس خوااتها كللهم الي كل وحده بغرفتها وماهمها الا نفسها ..

والله غير عن البنات كللللهم ..

حتى لما اخرج مااكلف على نفسي واقولها يلا البسي تطلعين معي ..

كانت وحيده ماعندها احد بالعائلة الا 2 من بنات عمها ..

وحده قرييبه منها والثانيه عااااادي ..

مررة حطت ايدي على دفتر كان على مكتبها لما راااحت تغسل صحن اخوها الصغير ..>>> هي متعوده ان محد يدخل غرفتها الا لما يستأذن ..

وكانت كاااتبه فيها ..

عزيزي ..

وكااانت كاتبة ايش حصل بذاك اليوم ..

وفي النهايه كتبت ..
أعدك بأني سأنتظرك طوال حياااتي ..

عاااد انا ماصدقت ..

رحت بالدفتر قداام اخواتها وانتظرت لحد ماطلعت من المطبخ ..

وقمت انفعلت وجلست اتوعد اني راااح اقول لأبوها وأنها ماتستحي ..

ومن ذاااك الكلااام ..

والبنت ماعرفت تتكلم ..

كانت ماسكه الصحن وماتدري شتقول ..

وانا قمت بكل صوووتي ..
مين هذا ؟؟

وكاانت سااكته >> لسه ماستوعبت ..

رحت لغرفه نومي ..

وتركتها ورااااي ..

بعدين سمعت طق عالباب ..

فتحت لقيتها وااقفه ..

قامت تقولي :" ماما أنا .."

قاطعتها :" ايش يلا تكلمي " ..

ورحت المكان الي جالسين فيه خواتها ..

وقمت اسألها مين .. وكيف عرفته .. وأسأله كثير ؟؟

عمري مافكرت ان لبنتي مشاااعر وأنا تحس مثل كل البنات ..

ماتكلمت بعدين قالت بصوت مبحوح ..

"ماما أنا رااح اقولك بس ماتزعلين "..

رديت عليها وانا غضباانه " يلااا قولي ماراح ازعل "..

"طيب ممكن أكلمك لوحدي "؟

رحنا للصاله :" أنتي تعرفين أنا مااعرف احد عالجوال او الانترنت .. والله اني عمري ماكلمته ولا رااح اكلمه" ..

"طيب مين هذا "؟؟

"لاعب كوره "..

"طيب ايش اسمه "؟؟

" فلان بن فلان "..

عااد انا قمت اطلعلها كل عيووووبه وهي ساااكته ..

"ماما ممكن تعطيني الدفتر "..؟؟

" لا استني لحد مايجي ابوك واوريه .."

" لا الله يخليك ماما " ..

" أوعديني أنك ماراح تلتفتين أو تحبين ...فلان .."

" وعد اني ماراح احبه "

واعطيتها الدفتر ..

ورااحت لغرفتها ..

انا المثقفه العارفه ..

اطلع على كل جديد بالانترنت ..

ابي بنتي تطلع الحب من قلبها بالسهوله هذي ..

وبثانيه ..

وخيرتها بينه وبين ابوها ؟؟..

ليتني اعرف كيف كنت انام بالليل وبنتي تبكي على مخدتها ..

المهم ..

بنتي كااانت المرحه بين خوواتها ..

تضحك تمازح خوااانها ..

وعااارفه ان تربيتها صح وأنها مستحيل تكلم حد بالتلفون أو بالماسنجر أو اي وسيلة ..

وكانت ماتتكاسل عن اي شي اطلبه منها ..

مره من المرااات جاااات عندي أمي وقالتلي أن عمتي تبي تخطب لولدها ..

وأننا لازم نساعدها ..خاصه وأنها من الامارات واحنا من الرياض ..

وأحنا اعرف ببنات بلدنا ..

بنتي كاانت تلعب بلايستيشن ..شريط حرب ..

لاحظت انها واقفه والثاني يضربها ..

قمت قلت لها " هي شوفي بتخسرين ..

" هااااه ... ياااربي هذي اخر جوله "

وكملت لعب ..

أنا الحمد لله يعني مع بناتي كأني اختهم ..

يعني نمزح ونلعب .. ونضحك سوى ..

أما عن حب وماحب مااعترف ابدا ..

علمتهم ان الحب ممنوع وأن لازم كل وحده تكتم بقلبها لحد ماتنفجر ..

من هذاك اليوم تغيرت بنتي ..

وصرت لما امر لغرفة ولدي اسمع اصوااات من غرفتها ..

بس كنت كانت بنتي تحب تشوف أفلام يابانية ..

وكانت في مواقف محزنه ..

اول ماجا في بالي انها تشوف مسلسل منها عالكمبيوتر ..

مر يوم ورى يوم ..

كنت أشوفها كل يوم تصفر عن اول ووجها كان شاااحب ..

ولما كنت بأطلع ..

كانت تشوفني بنظراات مليانه دمووع ..

بنتي ماكانت تطلع الا لبنت عمها ..

أو بالاصح كنت امنعها من غير ماادري انها تطلع مكان ثاني ..

أما انا فكنت استمتع بالخروج لكل مكان ..

واحب اسمع رااايهم بفستاني وانه احلى عن كل فساتين الباقين ..

هذا كل همي ..

بنت عم بنتي ..

خالاتها كثير ..

حتى بنتي ..

بس الفرق أن بنتي خلاتها كل وحده همها نفسها مثلي ..

أما بنت عمها ..

لما تنزل تعالي شوفيهم ..
" ماشاء الله اقري على نفسك ...بكره الناس بيجون يخطبون ...لااله الا الله "..

وأنا عمري ماقلت لبنتي انها حلوووة ..

والمشكلة اجلس اقولها " خليك زي بنت عمك شوفيها ماشاء الله عليها "..

عمرها بنتي ماحقدت على وحده وكاااانت بالعكس تزداد علاقتهم للأحسن ..

لحد ماجا يوم خطوبة ولد عمتي ..

ذاااك اليوم أحسن يوم فحياااتي ..

رحت بثوب الكل اعجبهم ..

اما بنتي المسكينه تركتها عند اخوها الصغير ..

حتى بنت عمها حضرت ..

العائلة كلها الا بنتي ..

" فلانه شفيها بنتك ماجات "..

" قلتلها رفضت خلوكم منها الآن "..

مرت الايام وكل يوم بنتي تذبل عن قبل ..

و ماصارت تجلس معنا ..

فقدنا ضحكها ..

حتى اخوها يسأل عنها ..لأنها الوحيده الي تلعب معاه ..

صرنا نحس بالكآبه بالبيت ..

رحت لغرفتها ..

لقيتها سادحه وعيوووونها وأنفها وخدودها حمراااا ..

" اش فيك ؟؟"

" معي زكاام وسخونه "..

" اشربي برتقال وحطي كمادات "..

وطلعت من الغرفه ..

يوم ورا يوم ..

حتى جا موعد زفاف ولد عمتي ..

في ذاك اليوم ..

بعد مالبست وخلصت اضطريت اني احط ولدي الصغير عند امي ..

دخلت غرفة بنتي لقيتها تبكي بكى يقطع القلب ..

انا انهبلت ..

" شفيك ؟؟"

" ......"

" اتكلمي والا والله لأتصل بأبوك "

" تذكرت صديقتي الي ماتت الشهر الي فااات "

تركتها تبكي وخرجت عشان لايفوتني الزفاف ..

فنص الزفاف ..

أتصلت امي وقالت ان ولدي يبكي ومو رااضي يسكت ..

فرحت اعطيته الحليب بسررررعه ..

وزوجي وااقف برى بيرجعني ..

قلت بأحطه عند بنتي ..

طلعت لقيت غرفتها ظلام ..

ولعت النور ..

لقيتها ممده عالارض ماتتحرك ..

" أأأأأأأأأأأأأأأأأأأأأأأأأأأء "

وقمت انادي ابوها يجي بسرعه ..

ودينها المستشفى ..

بالبدايه حطوها بغرفه .. وبعدين نزلوها العناية ..

بغيت انهبل ..

ولما جا الدكتور قال " بنتكم لقينا نفسها مقطوع والآن تتنفس صناعي ..

لو مرت 4 ساعات ومازالت تتنفس صناعي ... عظم الله اجركم ...الظاهر انها كانت تحاول الإنتحار "

جلست على اقرب كرسي ..

وجلست ادعي ..وانا بثوبي ..

مو مصدقه الي اسمعه ..

بنتي مو من النوع الي ينتحر على اي شي ..

وتعرف انه حرام ..

مو معقول .. مو مصدقه الي اسمعه ..

مرت سااااعه الا الممرضه تروووح وتجي ..

قام زوجي :" شلي حاااصل ؟؟"

" البنت تتنفس .... البنت تتنفس "

"اي بنت "

"الي بالعنااايه ... كنا متوقعين مافي امل بنجاااتها .."

" ممكن نزورها "؟؟

" ايه ممكن ... بس لا تجهدوها "..

اول مرة احس بفرحه من قلبي ..

.

.

.

.

لما دخلنا كااانت ساادحه ..

والدكتور بجنبها يسألها ..

قام الدكتور اخذ زوجي لبرى وتركني عند بنتي ..

" كيفك الحين "؟؟

" الحمد لله ............"

"ان شاء الله تطلعين اليوم معنا .."

" لا الدكتور قال اجلس هنا اسبوع ...الله يخليك قولي لبابا يقوله يطلعني "..

" ان شاء الله بس خوفتينا عليك .. كنت بالعرس وجيـ...."

كااااانت بنتي بدت تبكي بطريقه تقطع القلب زي المرة الاولى ..

رحت لعندها " شفيك ليش تبكين ؟؟"

" لاااااا ابي اموووت مابي اعيش "..

رحت اجري للدكتور ..

وقلتله الي حصل ..

راااح الدكتور يجري للغرفه ..

وقااام ينادي الممرضات والدكتور يهديها ..

حتى سكتت اخيرا ..

والدكتور منع عنها الزياره ..

رن جوالي وكانوا خواتي " ألو "

" وييينك .. فااتك العرووسه .. جناان ...قمر "

" أنا مع بنتي بالمستشفى ..."

" ليش عسى ماشر ...؟؟"

" والله لقينا نفسها مقطوع ..والحمد لله الحين بخير ... بس منعو عنها الزياااره "..

" الله يشفيها ..احنا الحين جاااين مسافة الطريق "

" لالا ماله دااعي ..الزياره ممنوعه .."

خرج الدكتور فاضطريت انهي المكالمه ..

ممكن تجيبون لها ملابس؟؟ لأنها بتقعد اسبوع ..

" بس هي ماتبي تجلس "

" لو على كل مريض مايبي يجلس ... لكان فضت المستشفيات "

زوجي" يلا نجيب لها ملابس "

"طيب"..

دخلت لغرفتها أول مرة ماالاقيها داخلها ..

حسيت بغصه وبكيت من قلب ..

وخفت لو تروح مني ..

جلست على سريرها ..وأخذت الدميه الي دايما تمسكها ..

وحظنتها وبكيت لأول مرررره على بنتي ..

واخذت مخدتها اتحسسها ..

لقيت دفتر مذكراتها ..

بدون شعوور ..

عاهدت نفسي اني مااسوي مشاكل لما اقرى الي فيه ..

وفتحته ..

انصدمت ... ماقدرت اصدق .. بنتي؟؟ .. معقول ؟؟

بنتي كااانت كاتمه بقلبها كل هذي السنين ؟؟

وأنا فين ؟؟

كل يوم عند وحده ؟؟

بنتي كانت تحب ولد عمتي .. الي زواجه اليوم ..

بنتي كاانت تكذب علي وانا صدقت كذبتها ..

رحت لآخر صفحه ..

كانت كاتبه ..

" ماما أنا اسفه اني كذبت عليك ..

بس لو قلتلك .. راح تمنعيني حتى مااروح عند بنت عمي ..

أنا اسفه .. ويارب يسامحني .. اني كذبت عليك ..

بس والله ماكان قدامي الا هذا الحل ..

لأنك رااح تشكين في اني اكلمه مع اني والله والله والله مااعرف لا شكله ولا صوته.."

آآآآآآآآآآآآآآآآآه يابنتي ..

لهالدرجه انتي بريئه طاهره عفيفه ..

تحبينه وماتعرفين لا شكلة ولا صوته ..

وأنا الأنانيه ..

ماتركتلك فرصه تتكلمين ..

عمري ماحضنتها ..

عمري ماسألت عن مشاكلها ..

عمري مامسحت دموعها ..

مع انها والله ماقصرت معي بشي ..

بالعكس شايلاني على كفوف الراااحه ..

ندمت اني ماكنت اصر انها تطلع معي ..

في صفحه من مذكرااتها كانت كاتبه ..

" ليش ياماما ماتكونين زي ام " بنت عمها " تطلع كل مكان ..

أنا ابي اطلع بس انتي متصرين اني اطلع معاك ..

ليش ياماما وانتي تدرين اني مستحيل اطلب منك اني اطلع معاك ..

ليتني مت قبل لايجي اليوم الي اشوف عرسه ..

وكانت كاااتبه كلام يقطه القلب ..

بعدما رحنا للمشفى ..

قال الدكتور ..

بالنسبه لإنقطاع النفس ماكان بسبب انها تحاول الإنتحار ..

لكن السبب انها مصااابه بمرض "مدري شسمه" وعندما بكت ماقدرت تتنفس ..

هذا المرض ..

يصيب الفتيات اكثر شي ..

ويجي من الكتم ..

بنتي طوال 4 سنوات كانت كاتمه بقلبها ..

غير لما درت بالخطوبه والزواج .. فتضاااعف عليها المرض ..

والآن يسون لها علاج طبيعي ..

بأنانيتي كان ممكن افقد بنتي بطرفة عين ..

لما وصلنا المستشفى ..

قال الدكتور لو تأخرو دقيقه كان ماقدرنا نسوي اي شي .. بس الاعمار بيد الله ..

قدر الله وماشاء فعل ..

الآن أنا مااقدر احط عيني بعين بنتي ..

احس اني السبب في الي هي فيه ..

بالرغم من اني ماقصرت معاهم بشي ..

بس لازم العاطفه ..

احنا ماحبينا لأننا فتحنا على الدنيا الا احنا مخطوبين ..

استحلفكم بالله ياخواتي ..

والله انا مااقول هذا الكلام الا لما شفت بنتي بتموت قدام عيني ..

اجلسوا مع بناتكم ..

شوفي بنتك ..

اذا كانت مرحه حبوبه .. وماتهتم بشكلها درجه أولى ..

وطوال الوقت عالبلايستيشن ..

معناتها تحب واحد من العائلة بس برى المنطقه ..

خذوها نصيحه مني ياخواتي والله ماتندمون ..

لأنه لو كان من نفس المنطقه بتكون حتى بيجامتها كشخه ..

تخاف لو تشوفه صدفه وهي بكشتها ..

راح أقولكم شي يالأمهات ..
خاصه الي بنتها نفس بنتي ..

لازم كل وحده منكم تشوف في شي بقلب بنتها أو لا ..

لأنه والله لو ماتلحقونهم بيضيعون من بين ايديكم ..وبنتي أكبر دليل ..

أول شي حاولي لما تطلعين عند قرايبكم >> قرايبكم بس ..

أنك تصرين عليها تطلع معك والأفضل انك تخبرينها بوقت طويل ..

حتى تاخذ راااحتها باللبس ..

ثانيا : حاولي إنك تصرفينها ياعند أمك أو احد خواتك أو حتى لما تروح لصديقتها ..

وهنا يجي دورك ..

إذا كان بنتك من النوع الي تقفل غرفتها لما تطلع ..

حاولي تنسخين المفتاح أو تاخذينه قبل لاتطلع وماراح تلاحظ خاصه وأنها مستعجله ..

وبعدين حاااولي تفتشين بدفاترها الخاصه ..

وهذي بتلقينها يا تحت مخدتها ..

أو اذا كان مع مكتبها درج راح تلاقينها فيه ..

أو تحت السرير ..

ملاحظه >>> انتي امها وانتي الاحق بالاطلاع على اسرارها ..يعني لاهو حرام ولاعيب ..

بس لا تلاحظ انك دخلتي غرفتها ..

حاولي تعرفين مين الي بقلب بنتك ..

وحاولي تساعدينها من غير ماتحس ..

يعني مثلا ..

قولي قدام قرايبه ماشاء الله على بنتي بنت ولاكل البنات ..

أو تطلع معك تزورهم ..

والمشكلة اذا كان لها فتره مازارتهم ..

لو عارضتك معناتها مستحيه ..

فقوليلها ..

يسألون عنك وانا وعدتهم نروح نسلم عليهم ..

ويعني من ذاك الكلام ..

اذا كانت بنتك ببالها واحد من برى المدينه ..

فهذي نعمه يعني الوقت الي يجون خذي بنتك معك بالغصب وروحي سلمي عليهم ..

أما اذا كان من نفس المدينه ..

فالله يعينك كل يوم عندهم ..

أنا ياخواتي ماكتبت هالكلام وبس ..

انا لما شفت حالة بنتي .. قلت لازم اقولكم .. خاصة ان فيه كثير بنات خجولات ومايحبون يطلعون ..

والله يابنات اكثر الكلام الي قلته أخذته من دفتر بنتي ..

واتأكدت اني كنت مقصره معاها ..

في احدى صفحاتها كانت كاتبه ..

ياليتك ياماما عرفتي الي بقلبي ..قبل لايصير الي صار ..

ادعوا لبنتي بالشفاء العاجل ..

لأني مااتوقع ترجع بنفس مرحها أول ..

آسفه يابنتي ليته في ولا فيك ..

وفي الختام ..

نصيحه للأمهات للمره المليون ..

طلعي بنتك معك وين ماتروحين ..

ولاتقولين رفضت او حلفت ..

اصري عليها وذكريها بوصل الرحم ..

لأنها والله انها تبي تروح بس انتي ماتخلين لها فرصه ..

[جداوي]

قصة مؤثرة بس طويلة



ياريت تتلخص عشان تعم الفائدة

شكرا يا دموع

[لن ابكــــــ جروحي ــي]

مؤثر جدا ، تذكرت وحدة من زميلاتي

بس قصريها شوي يا دموع ، حتى محد يمل من قراءتها

مشكورة على مجهودك

[دموع تبتسم]

أبشروا نقصرها لعيونكم

[لحظه حب]

حزنتي قلبي والله ياشيخة ....

درس للي بدو يتعلم.. بس لكل أم طبعها الخاص ماأدري تتعلم ولا لا ...

تسلمي على القصة المؤثره جداً

[دموع تبتسم]

العفو يابوسي

وإن شاء الله الأمهات يستفيدوا من القصه

مشكورة تواجدك ياأحلى بوسي

[ابو رتال]

قصه محزنه للغايه

شكر لكي

[$ M.E.D.O $]

تسلمي على القصه

[دموع تبتسم]

أبو رتال &&&& ميدو

مشكورين تواجدكم