|
#1
16-04-2007, 12:56 PM
|
||||
|
||||
الملك الطفيلي وبناته الثلاث
الملك الطفيلي و بناته الثلاثة
كان يا ما كان في قديم الزمان. ملك طفيلي عنده ثلاث بنات حب في يوم من الأيام انه يختبر حبهم اله. جاب الكبيرة (وجه البكسة). وقالها: يابا يا حبيبتي قديش بتحبي أبوكي الملك البنت من غير تفكير : بحبك قد ما السمك بحب البحر الملك فكر وقال في باله : ايهو السمك بقدر يعيش بدون بحر هاي البنت بتحبني كتير وقال الها : أنا كنت عارف انك بتحبيني بس مش لهدرجة . وقام اعطاها قصر كبيرومجوهرات جاب البنت التانية ( واسطة العقد ) وسألها نفس السؤال . فقالتله : بحبك قد ما الطير بحب السما . انبسط الزلمة وكيف وأعطاها قصر جنب أختها ومجوهرات وميمعة بعدين جاب البنت الصغيرة ( اخر العنقود اللي بموت فيها ) وسألها نفس السؤال قامت جاوبته : بحبك قد ما الدقة بتحب الشطة الزلمة زعل وعصب وقام لفحها كف خلا أيديها و رجيلها اربعة ومسكها من شعرها وزتها برة القصر . وما رضي يسمع منها ولا نص كلمة . البنت دارت بالحواري وعلى أرصفة الطرقات وتسمع كلمة من هاد وكلمتين من هداك . لغاية ما ربنا حن عليها و أجاها مزارع مسكين على باب الله حبها وحبته وراحوا سكنو بالكوخ تبعه اللي بنص الغابة ودارت الأيام ومرت الأيام ما بين بعاد وخصام وفي يوم من الأيام كان الملك قاعد بتصيد بالغابة ونسي حاله وسرح وضاع بالغابة دور على المرافقين . ولا هم هون . طب الحرس وين الشباب؟؟؟؟؟؟؟؟ لا حياة لمن تنادي . ضل الملك يمشي ويمشي .لغاية ما لقي هالكوخ لصغير قال يلا بفوت برتاح وباكلي لقمة. دق على الباب فتحلو صاحب البيت وهو مش عارفه. دخلوا جوا وهو شايفه تعبان. وصار يحكي مع الزلمة. مرته مش خافي عليها الصوت. قام الزلمة بيقول للمرة اذبحيلنا جاجتين خلينا نتعشى ونعشي الضيف. المرة مين طبعا ؟؟؟؟؟؟؟؟ واضحة بنت الملك المقصوفة الصغيرة بدت تشتغل بالجاجات وخطر على بالها فكرة. نادت جوزها وقالتله خود شوية الدقة هاي مع صحن زيت سلكو فيهم لغاية ما يخلص الاكل شكله الزلمة ميت من الجوع والله الزلمة عجبته الفكرة وقام حط الزيت والدقة قدام الملك وقاله: اتفضل يا عمي على بين ما يجهز الاكل . الملك ميت جوع وهو بحب الدقة كتير. ما بلع اول لقمة ولا صار بده يستفرغ وصاح بالزلمة : ولكو شو هاظ دقة من غير شطة ؟؟؟ كيف بتاكلوها هاي؟؟؟؟؟؟؟؟؟؟؟ وفجأة اتذكر بنته الصغيرة وصار يعيّط زي الهبايل . قاله الزلمة: ول، شو مالك يا زلمة انت العاقل . كل هاظ مشان شوية دقة هسة الجاج بخلص...قلعطتني...شو هالعالم هاي. راح الملك حكى للزلمة القصة . وهو خلص من هون نطت البنت وقالت بخخخخخخخخخ ،،، كيفك يابا؟ عرفت قديش بحبك يا اهبل ؟؟؟؟؟؟ وهيك عرف الملك قديش بتحبه بنته .
وجابتله دقة بشطة . طبعا ما أكل منها ولا لقمة لأنه نزل بالجاج جرد و أعطاها قصرين ومجوهرات و سوبر ماركت و كروز دخان علشان هي بتأرجل، وشغل جوزها شفير على باص كوستر
__________________
   
|
|
#2
16-04-2007, 09:05 PM
|
|||
|
|||
|
قصة ظريفة بس فيها قلة احترام في بنت تقول لابوها يااهبل
كلام مش معقول حتي لو كانت قصة خيالية لازم يكون فيها احترام الابوين علي العموم مشكورة اختي
__________________
 
|
|
#3
17-04-2007, 12:56 PM
|
||||
|
||||
|
قصه حلوة كتير يسلموا عليها
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| |--*¨®¨*--|فضل سورة الملك |--*¨®¨*--| | DoDa AlBtOoOtA | القران الكريم | 1 | 07-11-2008 12:44 AM |
| تمارين مهمة لمراحل الحمل الثلاث ؟؟ | DoDa AlBtOoOtA | كل ما يخص المرأه الحامل | 6 | 16-08-2007 02:19 AM |
| الكلمات الثلاث | أسيرة الحزن | ركن الذهبية العام | 9 | 11-02-2007 09:13 PM |
| شاهد الظلمات الثلاث وانت جنين فى بطن أمك(فيديو) | ابو رتال | مكتبة الصور ومقاطع الفيدو والصوت | 3 | 20-10-2005 03:43 PM |
| فيه واحدة عاوزة تختبر حب ازواج بناتها الثلاث لها | وفي | طرائف والألغاز والفرفشة | 5 | 13-10-2004 03:00 AM |
العرض العادي
