الدبيازه من صغنونة**جده***.
 

المقادير:

3حبات قمر الدين - نصف كوب لوز مقشر ومحمر- ثلث كوب فستق- ثلث كوب زبيب خالى البذور- عدد اثنين قلاده تباع في العطاره ومحلات المكسرات - علبه تين مجفف - علبه مشمش مجفف - ثلث كوب عين الجمل او جوز(حسب الرغبه) -اعواد قرفه - حبات قرنفل- حبات هيل 4اكواب سكر - وممكن تكون الزياده اوالتنقيص حسب الرغبه .


الطريقة:

يقطع قمر الدين في قدر متوسط مع وضع كميه من الماء مقدار اربعه لتر ثم نضع السكر والبهارات السابقه ونضعه على النار يغلى وفي هذه الاثناء نقوم بتحمير المكسرات السابقه في قليل من الزيت ونضعها على قمر الدين اثناء الغليان ثم نخفف النار ونتركه يغلي لمدة ساعتين ونصف مع ملاحظة تقليبه كل فتره حتى لايحترق وعندما يثخن ويعقد نرفعه من على النار ونتركه ليبرد ونضعه في برطمان في الثلاجه ويقدم مع الافطار صباح العيد مع الخبز...

أتمنى يعجبكم وترى هو مو جديد...

تقبلوا تحياتي:/صغنونة**جده***..

:109::157::109:

والله رهيبه يا صغنونة**جده***

جبت الغائبه

من جد انت الشيف من غير منازع

حتى الطبخات الموسميه والاعياد ماتنسيها

الف الف شكر لك ولايحرمنا منك

مشكور ع الرد الحلو...
بس ليه كاتبين تحت اسمي"مشرفه"؟؟؟؟؟؟؟؟؟؟؟؟؟؟؟؟؟
انا مو مشرفه...
انا شيف المنتدى....
باي

ولا تزعلي غيرنا المنصب وخليناه

مشرفة وشيف المطبخ

يسلمو عمو جلمود....
ربي لايحرمنا منك....

الله يسامحك مشرفتنا صغنونة**جدة***

الآن تجيبيها

كان من ليلة العيد

نشف ريقي وأنا ابغا احد يعطيني الطبخه هذه

 

على العموم مشكوره

على فكره أمس تذكرتك وانا داخل مطعم تشيليز

تسسسسسسسسسسسلم ع الرد الحلو يا وفي...
وأنا أتذكركم كل يوم وكل ساعه...
باي

شيف المنتدى

والله رائع أنا أطلقت عليك الاسم وأنا برضوا مشاكستك

وحشتيني ووحشتني طبخاتك اللي فعلا حبببتني في عمل المطبخ.

بس الدبيازه ما سويتها. اكلها عند أمي الله يخليها وعند أم زوجي

وياشاعر المنتدى كنت رسلت بريد مستعجل لشيف المنتدى ترسلك قدر على طول ترى ما تقصر.

دي شيف حق وحقيقي

الله لا يحرمنا من تواجدها هنا.

تسلمي ياحبيبتي ع الرد الحلو...
الله يخلي لك امك وزوجك وام زجك كمان.
ومشكوره ع الكلام الأكثر من رائع..
وأكيد انتي مشاكستي
ههههههههه
=مساعدتي بالمطبخ.
يلا باي
والله لايحرمني منك ياقمر.

شكرا اختي الكريمة ، ياريت صغونة جدة تخبريناعن البلد التي أشتهرت او وردت إلينا الدبيازة منه،وعلى فكرة أنت ذكرت 11 صنف من مكونات الدبيازة فقط وحسب ماروي لي من أحد العطارين في جدة رحمه الله كانت تتكون من 70 صنف .
لي أقتراح أتمنى ان تتجاوبي معي وهو الكتابة عن الكلات التي أشتهرت بها مدن الحجاز واظنك قدها وقدود وإذا ما عرفتي فأسئلي من هو اكبر منكم.

ولك شكري وتقديري

الله عليكي يا شيف المنتدى رجعتيني 22 يوم اي يوم العيد لان بصراحه انا ما اكل الدبيازه الا في العيدين فقط حتى الوالده جزاها الله خير لما تسويها في الايام العاديه مالها طعم زي طعم صباح العيد .
تصدق يا وفي لو ادري انك تبغى تاكل دبيازه يوم العيد كنت عزمتك على الفطور يالله العيد القادم ان شاء الله .شكرا صغنونه.

تسسسسسسسسسلمو ع الردود الأكثر من رائعه
ههههههههه
أنا ماني خبيره بالأطباق القديمه...
أوكي اسألك جدتي يمكن تعرف...
باي