|
كل يوم في رمضان"أحلى فطور لأحلى اعضاء"موضوع يومي..
سلام على احلى بنات بما ان رمضان على الابواب الله يبلغنا هوا ويعيننا على صيا مه وقيامه,انا اقترح كل يوم نسوي عزومه بالمنتدى لكل الأعضاء متكاملة من التمرومقبلات وغيرها وحتى الحلى البارد ... __________ __________ ******************* 1- الشوربه: شوربة كويكر : نقلي بصله مقطعه صغير مره في شوية زيت ونضيف قطع صغيره من لحم خروف طازج أو مثلج من مده قصيره ونقلب ونضيف البهار ( وأفضّل بهار البيت ) وشوية فلفل اسود مطحون وقطع من الفلفل الاخضر البارد ونحرك ونطحن بالخلاط الكاس طماطه مع شوية مويه ونضيفها للقدر وبعد ما تغلي نضيف المويه المغليه وبنفس كاس الخلاط نضع شوربة كويكر مع القليل من الماء البارد ونخلط ونضيفه للقدر ونقلل النار بعد الغليان ونتركه لين تستوي الشوربه على نار هاديه..... للإنتقال إلى موضوع**جداوي***لورق العنب تفضلوا هذا الرابط:/ topic.asp?tid=jedweb&TOPIC_ID=381 _______________________ اتمنى تعجبكم وتتفاعلون معي وكل عام وانتم بخير وانتظروا مني المزيد من الأطباق اللذيذه والوصفات الشهية.... يلا باي تقبلوا تحياتي:/مشرفتكم الصغيره صغنونة**جدة*** :109::109::109: |
ياسلام عليكي يا صغنونه وعلى افكارك الجهنميه :157::157: انا ماعندي مانع مادامكم كل يوم تطبخولنا الله لايحرمنا منك ومن طبخاتك وافكارك الحلوه
|
حيكون احلى رمضان يا صغنونة**جدة*** بوجود طبخاتك الحلوه |
فكره رائعه يامشرفتنا الغاليه صغنونة**جدة*** مرررررررررره شكرا |
تسلمووووووو ياعسل...
ونبغى نشاط من البنات في المطبخ... ونبغى الشباب يقطعوا لنا البصل... هههههههههه انتظروني يلا باي |
الحمد لله انا ماني من الشباب :110::110::110:
|
برافو عليكي يا صغنونة**جدة***
الشباب يقطعوا بصل وكمان الثوم، واي شي مزعج خاصة جلمود .. ما في تهرب من الشغل .. رح تاكل بس بعرق جبينك صحتين وعافية اسمحولي كمان اشاركم بوجبات من بلاد الشام |
هههههههههههههههههههههه بصل وثوم كمان الله يسامحك يا اخت سما فكرة الاكلات الشاميه ممتازه والله ياريت يا اخت سما اكلات الشام لذيذه ومغذيه ومفيده |
اوووووكي سما }}}نحن بإنتظار اطباقك الشهيه...
جلمود}}}}ايوا صح إنتا مو شاب...وبنفس الوقت إنتا مو بنت...ايش تكون؟إنت واحد من ابطال الديجيتال... ههههههههه عشان اسمك جلمود.... وعلى فكره... الي مايقطع بصل ح يبقى صااااااايم}}}}}}عاجبه ولا يروح مطعم البيك ويصف في الطابور وكالمعتاد يفطر الساعه3بالليل... هههههههههههههاي يلا بااااااااااي |
ياسلام عليكي يا صغنونه انت وافكارك الجهنميه بصل ايش وثوم ايش يعني تسيبولنا اصعب شغله الله يخلي هارديز وكنتاكي وتشيليز وابلبيز وغيرها هههههههههههههههههههههه |
:134::134::134: بس عشان ماتزعلوا :139::139::139: |
ويش فيك ياجلمود لاتغلط مره ثانيه نسيت انه تشيليز وكنتاكي وابو شقره وشامي وريدان وكل المطاعم قفلت من يوم ماصارت صغنةنة جده مشرفة المطبخ ؟ أسحب كلامك بسرعه وبالنسبه للمساعده انا احسن واحد افك اكياس الدريم ويب طبعا بعد ما اكون مشيت نصف الظرف في فمي
وليهم احنا موجودين
لكن بصل
بليز لا |
:159:يامرحبا يامرحبا نور صغنونه عمل أزمة مع الكهرباء ايه ياخوانا ايش يعني تقطوا البصل وتدقوا ثوم عملتوا منها قضيه بس علشان تعرفوا شويه المطبخ بيعمل ايه. وياسلام على الوجبات. دا سي السيد راح يسير 100 كيلو بنهاية رمضان وبعدين ياشيف لازم تقولي لمشاكستك سلااااماااات لأنها أخذت دور انفلونزا صعب . يعني لو رحت فيها مين يشاكسك. ما يصييير الكلام دا :159:
|
ياسلام على افكارك الحلوه ياصغنونة جده |
تسسسسسسلمو ع الردود الحلوه ياعسسسسسسل....
وأنا ما ح ابدل كلامي...خلاص ياشباب...أ،تو تقطعو البصل والتوم وتغسلوا الصحون والكاسات... ونحن=البنات راح نطبخ ونجهز الأكل يعني الشباب يرجعوا من المسجد ويشوفوا احلى الأطباق من أحلى بنات... هههههههههههاي... يلا شباب وبلاش دلع... أنتظروني ... يلا باي تقبلوا تحياتي:/صغنونة**جدة***. |
صغنونة**جدة*** وبعدين معاكي
|
مسكين حالك ياسندباد
فين المصباح السحري تبعك واحنا اتعشمنا فيك تساعدنا هههههههههههههههههههههه اخرتها غسيل صحون وكاسات كمان |
سندباد....<<<عاجبك اوووكي راح تاكل من ايدينا...مو عاجبك روح اي مطعم وافطر في هوا...
والكلام هدا لك انت ولكل شباب المنتدى.. والي ماعندو فلوس يصيد سمك ويشويه ع البحر... ههههههه ـــــــــــ جلمود..<<<انت ماتدري انك انت السبب في زيادة الأشغال عليكم؟ عشان كنت مو راضي تقطع بصل وثوم.. ـــــــــــ خلاص ياشباب احمدوا ربكم... وبعدين وضيفتكم سهله... يلا باي |
الي صايم اليوم هذا الفطور :/
ـــــــــــــــــــــــــــ شوربة الفطر*** عندي لكم طريقة شوربه انماااا اييييه حاتاكلووو صواابعكوو ورااها .. الشوربه مره لذيذه وما تاخذ وقت وتغيير عن الشوربااات المعتااده بالبيت .. الطريقـــــه : 1 كيس شوربة ماجي بالفطر 5 الى 6 حبااات فطر كبيره 1 ملعقه طحين 1 ملعقه قشطه ربع حبه ماجي تاخذين كل هالمقاادير وتخلطينها بالخلاااط الكاااس وتزيدين عليهم 4 كاسات موويه ( بس الماجي لا تحطوونه بيطلع رغوه ) .. بعد ما تخلطينهم حطينهم عالناار وضيفي لهم المااجي وحركيهم شوي لين ما تغلي .. ـــــــــــــــــــــــــــــ الحلى هو**طبق ام علي***الي كتبته جداويه عسل. وهذا الرابط: topic.asp?tid=jedweb&TOPIC_ID=562 ـــــــــــــــــــــــــــــ وبطاطس مقلي ـــــــــــــــــــــــــــــ وعصير ليمون طبيعي مو تانج. ـــــــــــــــــــــــــــــ والله يتقبل صيام الجميع انشاءالله. يلا باي |
السلام عليكم ورحمة الله وبركاته...
وحشتوووووووني مره... وبصراحه ماكان لي أي فرصه انا انا اخش النت في الفتره الماضيه... والسبب هو أنو وقع لي حادث واصار كسر في رجلي اليمنى...الظروف كانت صعبه مره لكن دحين صحتي أفضل... أوعدكم بأطباااااااااااق شهيه... وكل عام وإنتوا بخير... أنتظروا وصفاتي الجديده وإختراعاتي العجيبه في الطبخ... |
المعكرونه العجيبه<<<طبق جديد من إختراعي...حصريا بمنتدى"الذهبية".
المقادير:/ كوب معكرونه مسلوقه نصف كوب لبن قليل الدسم. ملعقة أكل صلصلة خردل. ملعقة أكل مايونيز. ملعقة أكل جبنة بوك كاسات. بيض مقلي مقطع قطع صغيره. ملح<<حسب الرغبه. فلفل أسود<<حسب الرغبه. تخلط جميع المقادير ثم توضع في الثلاجه إلى وقت التقديم. وبإمكانك تقديمها إلى جانب قطع الدجاج المقليه.. وأتمنى انو يعجبكم. أطباق تانيه ح أكتبها لكم بس بعدين... عشان دحين أنا رايحه للمطبخ أساعد ماميتو... بااااااااااااااااي تقبلوا تحياتي:/صغنونة**جدة***. |
وانت كمان لك وحشة ولمواضيعك والحمدالله على السلامه وفي عدوك ولافيك بس بصراحه غيبتك طولت قلت الظاهر إنه خلاص زعلت مننا بس الحمدالله خاب ظني. المهم رمضان على وشك أن يذهب وحنا ماشفنا اكلات جديده بدونك ماعرفنا نسوي شئ من الوصفات بس حتي تعرفي أن المطبخ بدون مايسوى. الحمدالله على السلامه ثاني مره انتبهي على نفسك علشان ماتتعوري وتحصل مشكله ههههه مع تمنياتي لك بالشفاء بالنسبة لصحن المكرونه الظاهر إنه بيطلع لذيذ مره |
**حلى ليالي لبنان***.. المقادير
باي:109::109::109: |
يا هلا والله بصغنونه والله سلامات والله لكي وحشه كبيره جدا جدا حادث سياره ياساتر ربنا سلمك ماتشوفي شر واجر وعافيه واحنا عقلنا راح بعيد وقلنا زعلت علينا ولا نسيتنا خلاص احنا لازم نسوي احتفال بعودتك منتظرين جديدك وياهلابك في بيتك وبين اهلك واخوانك |
كل لحب<<
مشكووووووور ع الرد الحلو... وإنتظر مني أكثر... ـــــ عمو جلمود<< تسسسسسسسلم ع الرد الحلو.. وإنشاء الله تشوفوا مني أطباق تعجبكم.. ــــــ باي |
انا اكيد بأحلم
صغنونة**جدة*** هانم رجعتلنا :158::158::158: لا ابغالنا نسوي حفله كبيره وانتي الى تطبخيلنا اكلها
ههههههههههههههههههههههههه والله الف سلامه لكي انا قلت مامنعك الا الشديد القوي يامرحبا يامرحبا نورك غطى على الكهربا
|
هلا بيك ياسندباد...
والله وحشتووووووووووووووني... بس الظروف... ههههههههه تسلم... وإنتا الي نورك غطى على الكهربا... _ ـ _ ـ _ ـ _ ـ _ ـ _ ـ _ ـ _ ـ _ طبق اليوم:/ حلى الجوز***وبصراحه مررره حلو.. أنا سويته اليوم والكل حبه... االمقادير:/ 8بياض بيض<<ماراح نحتاج للصفار<<يعني صفار البيض سيبيه في علبه مغلقه وحطيه بالتلاجه لأطباق تانيه. كأس ونصف سكر="375غرام" 3أكواب دقيق بسكويت الشاي. نصف كوب جوز مجروش خشن. 20حبة جوز"فلقات". شوكلاته داكنه للتزيين<<أختيار ومن الممكن الإستغناء عنها. ــــــــــ طريقة التحضير:/ 1/يسخن الفرن مسبقا على حرارة170درجه مئويه.يوضع بياض البيض في زبديه عميقه ويخفق بخفاقة البيض إلى أن يدخله الهواء ويصبح كاالرغوه البيضاء.يخلط السكر مع دقيق البسكويت والجوز المجروش.. ثم نضيف بياض البيض ونحركهم جيدا بملعقه خشبيه. نضع العجينه في الثلاجه لمدة نصف ساعه. ثم نخرجها ونحضر صينيه معدنيه ونغلف الصينيه بطبقه من ورق الخبز المبلله بكميه قليله من الزيت. ندهن ايدينا بالزيت ثم نأخذ كميه من العجينه ونكورها ونضعها في الصينيه. نكرر العمليه إلى أن تصبح لدينا20 دائره من الكعك. نأخذ حبات الجوز"الفلقات"ونضع وسط كل دائره من العجين حبه من الجوز بحيث يظهر نصف حبة الجوز إلى الخارج. ثم نكون قد سخنا الفرن مسبقا نضع بداخله الصينيه المعدنيه التي نخرجا بعد نصف ساعه"أي"بعد أن ينضج الكعك. وبعد أن نخرجه من الفرن نجعله يأخذ درجة حرارة الغرفة. ثم نسكب على كل قطعه القليل من الشوكلاته الذائبه على طريقة"بين ماري". وبالهنا ياحلووووووووووووووين... باي. وإنتظروا مني أكثر. |
| الساعة الآن 10:48 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd
