عـــــرسي في نهايــة شهر واحـــد

[DoDa AlBtOoOtA]

---------------------------------------

جـلـسـت بـضـيـقـتـي وحـدي افـكـر فـي بـداياتـي
علـى شاطـئ البحـر جالـس وكـان اليـوم بغـروبــه

على الشاطئ جلست احسب جروحي وكل خساراتي
وكـان الـوقـت حـزتهـا مـطـر وقـلـوب ... مـرعـوبــه

وكـانـت طـفلـه اصـغيـره بجنبـي تقـرا حـسـراتـي
كـأن الضيقـه فـي وجهـي وهـي بالـروح مكتوبه

تـذكـرت الحـبـيـب اللي ابخليه يبكي أهـاتــي
بعـد ماجيته اشـكـي لـه اقـوله اليـوم مخطوبه

وعرسي في نهاية شهر( واحد ) وضاعت كل حيلاتي
وامـي اعـزمـت ناسـي ولعرسـي جـهـزوا ثـوبــه

قلتله ارجـوك ابـي تحـرق صـوري مع رسالاتـي
وفـراقك ماهـو بكيفـي وانـا واللــه مـغـصـوبــه

وهذا عهـدو وعـد من دمعـي المقهـور بسكاتـي
أمـوت بحبـك الغـالـي وأرد احيـا علـى دروبــه

وقـلت .. مدري وش قـلت ... انا ميته بلحضاتي
خنقنـي الهـم في صدري وشفت الدنيـا مقلوبـه

أبستـوعـب ولانـي قـادرة استـوعـب نهايـاتـي
أبـي ذرة فـرح لكـن لقـيـت الفرحـه مسـلـوبـه

تسـاوت دنيتي بعيني تساوى الماضي بالاتي
مـادام ان العيـوب اليـوم تـرفـع نـاس معيـوبــه

ورجعت لغرفتـي بين ( الأثاث ) وبين شمعـاتـي
أنـاظر كل رسايله وقلت ..؟ ان كان لي حوبه

يـاعـل اللي بياخذني يـاخـذه ربـي من ادعـاتـي
يشـوف اللـي انا شفتـه ويصيـر الهـم مشروبـه


بكـيـت ومالقـيـت اللـي يواسينـي بدمـعـاتـي
وشـكيـت الجـرح للدنيـا ولا منهـو لفت صوبـه

ماغيـر امـي تحـاول بس تخـفف لـي معاناتـي
وبكـت شافـت حيـاة بنتهـا للمـوت مطلـوبـه

يادنيـا بـس خـليـنـي ابـي ارتـاح فـي ذاتــي
انـا كنـي علـى الدنيـا خلقنـي ربـي اعقوبـه

ابنسى واطوي الذكرى ابدفن كل حكاياتـي
ابمشـي ومابـي احد واهـي توبـه بعـد توبـه

ابقطـع السيرة واطلـب من المـولى بركعـاتي
يصبرنـي علـى غيابـه واعيـش بدنيـا محجوبه

وانا قلبـي ياعمري تاب وعزم يجمع اشتاتـي
واذا قلبـي طلـع مذنب تـرا انت اعظـم ذنوبـه
__________________

[دموع تبتسم]

بصراحه عجبتني كثير

تسلمي دموعه

[DoDa AlBtOoOtA]

العفووووو وترقبي مني المزيد

[المصباح]

رائع ما شاء الله

ونترقب المزيد منك يا دمعة


موفقة

[DoDa AlBtOoOtA]

مرسي على المرور الحلو