قصيده مؤثرة لأم تشكي حالها بعد ان وداها ولدها دارالعجزة

[دموع تبتسم]

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان)

والأبيات التاليه تدمي القلب القاسي

الله المتسعان

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

[M A N]

الله يعطيكي العافيه

[دموع تبتسم]

الله يعافيك مان

ومشكور تواجدك

[محمد]

في اولاد ينطبق عليهم الابيات التاليه :

اعلمه الرماية كل يوم *** فلما اشتد ساعده رماني
اعلمه نظـــم القوافـي *** فكلما قال قافية هجــاني

[دموع تبتسم]

صادق أخ محمد

الواحد مايقول غير الله يهديهم ويصلح حالهم

[فرااااااولة]

يا عمري عليها
معقول فيه ناس قلوبها قاسية قد كداه
يرميها وهي تتمنى تكون خدامة عنده سبحان الله على قلب الام

[دموع تبتسم]

والله يافرواله في ناس قلوبها أقسى من الحجر والعياد بالله

مشكورة تواجدك