أمراض الايدز

[ولد المدينة]

بسم الله الرحمن الرحيم

أولا بعد السلام ارحب بك وأشكرك عزيزي ( عزيزتي ) القارىء على الاهتمام بالموضوع

نجد في مجتمعنا الحاضر بعض من البشر يمتلكون شيئاً مقززاً والعياذ بالله وهو مرض خطير معروف

باسم ( مرض الايدز ) ...
أخواني يجب علينا أن نحافظ على أنفسنا و أن نجتنب ما حرم الله علينا من الذنوب الكبيرة والتي تؤدي

الى الكفر بالله, ومن الذنوب ارتكاب كبيرة من الكبائر وهي موضوعنا وهي ( الزنا )

أريد أن أذكر لك قصة واقعية عن جريمة الزنا وما سببته لبعض شباب وشابات المجتمع

((((( وجدنا في مدينة جدة وبالذات في درة العروس المعروفة لدى الجميع بعض الشباب و البنات الي

قامو بعمل الجرائم التي أدت بهم الى الهلاك ,,, بالمعنى الصريح يتواعد جروب بنات في الدرة بس بنات

يعانو من( مرض الايدز ) ويلفلفو في المرسى وكل وحدة تعمل نفسها عارضة أزياء وطبعا ما يخفى

عليك عزيزي القارئ الفله تكون بـ ( جنزات وتي شيرتات قصيرة وبرمودات و شورتات وبعضهم

بالحمالي ... ) كلها اغراءات للولد المسكين الي ما يقدر يتذكر ربه عز وجل ...

المهم : انو الولد يقوم بدوره ويعاكس والبنت تصرف تقل مره مرتين والتالتة تجي معاه

وينبسط أخينا في الله ويقول بس اليوم فلتي ويظبط البنت ويعملو العملة الكبيرة والعياذ بالله

ولكن بعد دا كلو يقول المسكين يا ريتني ما عملت ولكن قد فات الاوان راحت عليه وهوا مهو داري

ايش لحقو من ورى العمله السوده دي ؟؟؟

لمن يروح الولد يخطب , لازم يعمل فحص دم وبعد التحاليل الولد عرف الخبر الي نكد على حياته

وخاصة ربنا ما تمم فرحتو ...

والمفيد الي أبغى أوصلو لكم انو الواحد لمن يتخذ قرار يتخذه بعقلو مو بالتفكير السيئ

<<<أخواني في درة العروس 18 بنت أعدو 116 شاب و8 بنات >>>

فاتقوا الله أينما كنتم ولا تفلها في شي ما تعرف ايش راح يصير لك من ورى دي الفلة )))))

وان شاء الله تكون عجبتكم القصة الواقعية , وأسمع الردود الحلوه منكم

[بنت المدينة]

يالطيف يارب

الله يستر على شبابنا

كمان المشكله انو الواحد بيخرج مع اي وحده حتى ما يعرفها

ولا تنسى كمان الشباب لمن بيسافرو بره ويجيبو البنات بفلوس .. استغفر الله

حسبي الله ونعم الوكيل

وهدول البنات كيف سايبينهم مفلوتين كدى .. يالطيف

[كيموووو]

السلام عليكم
اشكرك على الموضوع المفيد الحلو
جزاك الله خير
ايوة يارب يحفظنا ويحفظ شباب المسلمين وشابات المسلمين
يارب زوجنا بدري عشان مانرتكب الحرام
قولو امييييييييييييييييييييييييييييييين بقوة اوكي وادعولنا وادعو للمسلمين
الله يستر بسسسسس
مشكورة يابنت المدينة يارب يحفظنا
وولد المدينة حياك من اهلنا انتا كلنا من المدينة مرة فلة
والعياذ بالله من درة العروس واماكن الشبهات
ههههههههههههههههههههههههه
يلا نشوفو مواضيع تفيدنا وتفيد المسلمين
يلا بااااااااااااااااااااااااااااااااااااااي
نشوفكم في الحلقة الجاية
خخخخخخخخخخخخخخخخخخخخخخخخخخخخخ

[ولد المدينة]

يسلمو بنت المدينة واخويا كيمو على ردودكم واهتمامكم الحلو والرائع