احلى نكت مصرية ادخل ومش هتندم

[جدة جد]

واحد بيتخانق مع مراته فبيقولها:انتى ليه مبتحبيش قرايبى قالتله
لا والله انا بحبهم بدليل ان انا بحب حماتك اكتر من حماتى

واحد بلديتنا أشترى عربية بتمشى بالكلام أتوماتيك يقولها سترك يا رب تقوم تقف ويقولها
الحمد لله تقوم ماشية ..فرح ونزل بلدهم بيها وكل شوية سترك يا رب تقف الحمد لله تمشى وهكذا لحد ما فجأة لقى ترعة أدامه نسى الكلمة والترعة تقرب تقرب وهو ناسى ومرعوب وعلى أخر لحظة راح قايل سترك يا رب راحت العربية وقفت على أخر لحظة على خط الترعة راح قايل ياااااااه الحمد لله



مرة واحد وامه كانو يحششو فقال الولد لامه ماما انا بحبك كتير قالتلو
امه لأ خلينا فرندز احسن



تنين محشيشين قاعدين يحششو فى عشة فراخ طلع
الصبح عليهم الديك قال كوكوكوكوكايين



مدرس بيسأل طالب عنده في الفصل ايه هو مذكر يمامه رد عليه
الطالب وقاله بسيطه ياأستاذ مذكر يمامه هو يبابا



واحد ميكانيكي فتح مصنع شيكولاتة سماه
كالاكسى



واحدة عندها 3 بنات حبت تختبر اجوازهم بيحبوها ولا لأ خدت الاول وراحت ع البحر ونزلت وغرقت نفسها قام الاول
انقذها تاني يوم جاتله عربيه جيب مكتوب عليها هديه من حماتك خدت الثاني وعملت معه نفس الموضوع برده انقذها تاني يوم جاتله هعربيه جيب مكتوب عليها هديه من حماتك جابت الثالث وعملت معاه نفس الموضوع فسابها تغرق تاني يوم جاتله عربيه مرسيدس مكتوب عليها هديه من حماك



مرة اربعة صعايدة داخلين امتحان فاجلهم سؤال فى الامتحان وهو كام عددارجل المعزة فكلهم سألو صاحبهم حسنين وما كنش
بيرد عليهم فالما خلص الامتحان قالولو انتا ما قولتيلناش لية قالهم المراقب كان جنبى ومعرفتيش اطلع المعزة



دكتور بيطرى بيحب دكتوره بيطريه يقولها أنا بهيم فى حبك وهى تقولوا أنا مارفصلكش طلب



مذيع تليفزيون حب يقلد مفيد فوزى فى حلقه يونيو سنه تسع وتسعين ويثبت ان الصعايده ازكياءعمل برنامج مسابقات واستضاف تلت صعايدهعلشان يسئلهم
سئل الاول مين اللى انتصر فى الحرب العالميه التانيهالحلفاء ولا المانيا النازيه ؟
الحلفاء طبعا صح برافو عليك
التانى مين اللى كسب فى اخر ماتش للفريقين الزمالك ولا الاهلى ؟الاهلى طبعاصح برافو عليك
لاء صحيح باين علينا ظلمنا الصعايده طيب نسئل الصعيدى التالت
التالت _ تفهم ايه من اجابات السؤالين اللى فاتو ؟
نفهم من كده ان المانيا النازيه هتلاعب الزمالك على التالت والرابع



سالت مذيعة نجارا ما احلي فيلم شاهدة؟
اجاب النجاار المفك المفترس



واحد شكله غلبان ويصعب على الكافر قاعد على قهوه باصص لكوبايه شاى قدامه ومتنح ! شافه واحد رذل عامل نفسه فتوه , فقال اما اروح اتتنطط عليه شويه
,راح داخل عليه وشادد الكوبايه من قدامه وشربها على بق واحد , وحطها قدامه فاضيه وقال له :
ماتنساش تدفع البقشيش !
الراجل راح منفجر فى العياط والنهنهه! لدرجه انه صعب على الفتوه , فخبط على كتفه وقال:
ياراجل ماتعملش فى نفسك كده, معقوله راجل بشنبات يعيط علشان كوبايه شاى بخمسين قرش؟
انا مش باعيط علشان الشاى , بس انهارده اسؤا يوم فى حياتى !
صحيت الصبح متاخر , فاخذت الموتوسيكل بتاع اخويا علشان الحق الشغل بس برضه وصلت متاخر وصاحب الشغل هزقنى ,ماستحملتش ورديت عليه راح طاردنى !جيت اخد الموتوسيكل واروح لقيته اتسرق , رحت ابلغ اخويا اتهمنى بالسرقته ! وبعد ماضربونى فى القسم علشان اعترف طلعونى بكفاله مش عارف هسددها ازاى , وحتى لما قررت انتحر , جيت اشرب كوبايه السم , جيت انت وخطفتها من ايدى

واحدة بتسأل أمها : هو بابا بيعرف يعوم؟؟ فقالتلها:بتسألى ليه ؟؟؟ قالتلها أصلى سمعت بابا بيقول للشغالة أنا غرقان فى حبك)



واحد عجوز جه يسحب من الشيشه طلعتله واحده قالت له … عفواً لقد نفذ رصيدكم



فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس



نملة ماشية على حرف كوب عصير فراولة فقالت : ياه اخيرا شفت البحر الاحمر



بلديتنا دخل المظلات ... ركب الطيارة والقائد بيوصيه ... تنط من الطيارة وتفتح البراشوت لو ما اشتغلش افتح البراشوت الإحتياطي هتلاقي موتوسكل مستنيك تحت إركبة وامشي بية " . بلدياتنا نط وبيقتح البراشوت ما اشتغلش بيقتح الإحتياطي ما اشتغلش قال يانهار ...! وقعتكم مطينة لو ثزلت ما لقيتش الموتوسكل



مره ابو العربى راح اليابان وهوه قاعد مع صاحبه اليابانى يوكهاما لقاه بيطلع ايده من جيبه وقاعد يتصل من ايده ابو العربى قاله بتعمل ايه؟!!! قاله بتصل بواحد صاحبى ابو العربى قاله من ايدك قاله ايوه احنا عندنا فى اليابان الواحد بيتولد وايده فيها موبايل ابو العربى قاله ماشى شويه ايابانى لقى ابو العربى بيكتب ورقه وبيبلعها اليابانى قال لـ ابو العربى بتعمل ابه اا ابو العربى رد وقاله ببعت فاكس



واحد بيقول لواحد أنا خايف أوى أصل أمى اتوحمت على كلب وحاسس انى عايز أهوهو وأعض الناس رد عليه الثانى بهدوء: يا راجل دى خزعبلات أنا أمى اتوحمت على اسطوانة مشروخة ومحصليش حاجة حاجة حاجة حاجة حاجة حاجة حاجة حاجة حاجة



مرة جزار خلف بنتين واحدة سماها كيلوباترا و الثانية سماها كيلولحمه



ليه الخباز مش بيلبس الساعة وهو بيخبز؟ علشان الدقيق ما يعاكسش الدقيقة



طفل اتولد و ظل 5 سنين لا يتكلم, اول كلمة قالها(خالي)بعدها بيوم خاله مات ومر اسبوع و اتكلم الولد مرة ثانية و قال اخويا بعدها بيوم اخوه مات ومر اسبوع آخر والولد قال بابا فكتب الاب وصيته بعدها بيوم جارهم مات



واحد بيقول لمراته تيجي نعمل جمعيه.اديكى كل يوم بوسه واديكى جنيه !قالتله ماشى. جه على اخر الشهر لقى معاها تسعين جنيه.قالها ايه ياوليه انا مشبديكى كل يوم بوسه وجنيه.قالتله ماتسكت مش ابو هيثم جارنا دخل بنفرين



واحد بلدياتناغنى قوى ..راح يصطاد فى افريقيا..ولما رجع سالوه صحابه اصطدت ايه قالهم3 غزلان و 2 حمار وحشى ويجى 60 او70 نوبليز..قالولو ايه نوبليز ده؟..قالهم معرفش حاجات بتتنطط لونها اسودقاعده تقولى نوبليز نوبليز نوبليز(no please)



اتنين سكرانين ماشيين فىالشارع فواحدمنهم لقي حتة مرايا مكسوره فمسكها وقال الشبه ده مش غريب عليا فالتاني قاله وريني كده وقاله غريبه دي صورتى



بلدياتنا راح يبيع الحمار في السوق الحمار رجع معاه 200 جنيه



ولد بيسئل امه قال لها : ليه بابا اقرع؟ قالت يا ابنى دى علامة الزكاء قال لها :عشان كده شعرك طويل



واحد بلدياتنا راكب القطر ومعاه ابنه ومش عاوز يدفع له تذكرة .. فلما جه الكمسرى حط ابنه فى شوال ومسكه بايده برة الشباك فالكمسرى بيقوله ايه اللى مطلعه فى ايدك برة ده .. فدخل ايده جوة وقال له ما فيش حاجة



سبعه بلدياتنا اشتروا عربيه سابعه راكب علشان يكسبوا منها، خافوا للساق يسرقهم فضلوا راكبين معاه رايح جاى، لما لقوا نفسهم ما بيكسبوش استشاروا ابن عمهم خبير الاقتصاد فاقترح تغيير السواق



واحد بلدياتنا بيهرج مع مراته فرماها من الدور العاشر فطلعت قالت له والله ما انا لاعبة معاك تانى



مرة على طيارة المضيفة بتسأل الركاب:"مين دايخ؟" واحد رفع ايده,ادته حقنة.......مافيش ربع ساعه جت المضيفة و سألت تانى :"مين دايخ؟" نفس الراجل رفع ايده فأدته حقنه........و هكذا لغاية اخر الرحله لما جت تطمئن عليه لقيتة ميت فبطلع بطاقتة لقيت الأسم:"دايخ منصور



مرة واحد ماشى قابل واحد قال لة سبحان الله الخالق الناطق مراتى بس الفرق الشنب قال لة أنا مليش شنب قال لة هى ليها



واحد بلدياتنا مسكت فيه الكهربه قالها مش انا مش انا



في واحد دلوع اوي, دخلوه اهله الجيش , سأله القائد : تعمل ايه لو قابلت العدو ... قال : ارمي السلاح في وشه و اقولوا اكرهك اكرهك اكرهك



النكت منقوله

لكن تجميعى انا

[جنون مراهقه]

ههههههههههههههههههه

منقوله او لا

حلوه تسلم يدك

[كورنيليا]

شكرا عالمشاركة الحلوه

[ح ــدي كـلاسـي]

يسلموو على النكت

يعطيك العافيه

[جدة جد]

تسلموا على الردود ومتشكرة على المرور