|
#1
06-01-2007, 10:36 AM
|
||||
|
||||
عادات اهل مكه في السابع
ايش رايكم نرجع كم سنه لورى ونشوف عادات زمان ايش كانت تقول حنتكلم عن السابع وايش الي يحصل فيه طبعا بكل فخر الموضوع قرأت في إحدى المجلات بعض المصطلحات الحجازية وودت مشاركتكم معي في قراءتها وهي: الرحماني: ((بس للبزوره )) دي الحفلة تكون في اليوم السابع للبزورة وتكون في العصر يعني وتجي في دا اليوم الدايه((كلكم تعرفوها بس دحين مافي لا دايا ولا نيله غالبا تكون ست النونو اللي قايمه بالدور دا) تحط النونو في ((طراحه )) مرتبه ملبسه بالستان الابيض ومشغوله بالدانتيل والترتر وتدوربالنونو وتغني ((يلا معايا ... )) يارب يارحماني بارك لنا في الغلام يارب البريه بارك لنا في البنيه ((والبزوره وراها )) ربي سعدنا وهنانا وادانا مولود جديد من فرح قلوبنا غنينا مبروك سابع سعيد وكمان بعدها تغني:: يا دايا هري هري يا دايا بيت العري يادايا محلا مشيتك يا دايا إنتي وبزراتك يادايا يا ست الكل يادايا منديلك فل يا دايا هشي هشي يا دايا بطنك تمشي يا دايا طلي في السما يا دايا عساكي العمى ياديا اركبي البابور يادايا طلي في الناظور يادياا انعن ابو شيبك يادايا والمشط في جيبك والعيال يردود ياديا هري هري وبعدين تجلس الدايا على الارض ومعاها البزوره يعملو دائره ......... وتحط النونو في غربال كبيرمفروش بقصب وتهزو وتغنيلو ووراها الاطفال: غربلو ياغربلو حتى النونو يتغربل غربلو يا غربلو حتى االرز يتغربل غربلو ياغربلوا خلي الصايغ يعملو يعملو ساعة دهب والباقي خاتم لاموه غربلو يا غربلو حتى الحب يتغربل وبعدين ترفع صوتها وتدق الهوند وتقول العليا العليا القبه الخضرا المجليه رسول الله بيض الله وجهو يردو عليها (( يستاااااااااااااهل)) وتقول كل اسامي العيلة واحد واحد وتقول بيض الله وشه ( وجه) وبعدين تبدأ تدق بالهوند (( الهون )) عند راس النون وتقول أسمع كلام أمك ولا تسمع كلام ابوك لا تضرب أمك بس أضرب أبوك لا تعصب أمك بس عصب أبوك وبعدين يوزعوا حلاوه على الصغار والعاب وشموع وتصير حرائق في الشعر لاتذكروني بالذي مضى معليش كتبتوا بلهجة أهل جدة ... سامحوني واذا فيه تجاوز للكلام برضوه ... سامحوني
__________________
|
|
#2
06-01-2007, 10:47 AM
|
|||
|
|||
|
وشموع وتصير حرائق في الشعر لاتذكروني بالذي مضى
 حرقت شعر مين أعترف
__________________
ســبــحــــان الله وبحـمــده ســبــــحان الله العظيم 
|
|
#4
06-01-2007, 11:21 AM
|
|||
|
|||
|
اقتباس:
خلاص نخلي الطبق والطابق مستورين  
__________________
ســبــحــــان الله وبحـمــده ســبــــحان الله العظيم
|
|
#5
06-01-2007, 12:12 PM
|
|||
|
|||
|
الله يرحم ايام زمان
__________________
 
|
|
#9
06-01-2007, 08:50 PM
|
|||||
|
|||||
|
موضوع جميل يحفظ ماضينا ويذكر ابنائنا بها
اذكر كتاب جميل قرأته بعنوان أهل الحجاز بعبقهم التاريخي للشيخ حسن عبدالحي قزاز يذكر معظم مظاهر أهل الحجاز و ماضيهم الجميل مشكور يا ابوحمد
__________________
كتبت وقد أيقنت يوم كتابتي بأن يدي تفنى ويبقى ماكتبته 
|
 |
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أغرب عادات الزواج | rosa | غرائب حوادث و عجائب | 5 | 22-05-2009 12:51 AM |
| عادات بعض البلاد في الزواج | لحظه حب | ركن كلام نواعم | 29 | 28-04-2007 07:31 AM |
| أكبر 10 عادات تدمر الدماغ | همســ قلم ــات | الطب والصحة | 12 | 02-03-2007 01:22 PM |
| لاتحاولي تغيير عادات زوجك | sami haroon | ركن كلام نواعم | 3 | 12-10-2006 09:57 PM |
| أكبر (10)عشر عادات تتلف الدماغ. | ابو رتال | الطب والصحة | 6 | 26-08-2005 08:09 AM |
العرض العادي
